Ихтиёр Тошпўлатов: "Жамоадаги бирдамлик сабабли "Металлург”ни мағлуб этдик"

Ўйиндан сўнг “Динамо” футболчиси ва ғалабага ўз хиссасини қўшган Ихтиёр Тошпўлатов ўз фикрлари билан ўртоқлашди.

- “Сурхон”га қарши аламли мағлубиятдан сўнг, “Металлург”га қарши жиддий тайёргарлик олиб бордик. “Металлург” таркибида тажрибали футболчилар йиғилган. Буни англаган ҳолда майдонга фақат ғалаба қозониш учун чиқдик. Қийин учрашув бўлди. Мураббийимиз кўрсатмаларини тўғри бажардик ва жамоавий ўйин кўрсатдик. Сўнгги дақиқаларгача ғалаба учун курашдик. Жамоадаги бирдамлик сабаб ғалабага эришдик деб ўйлайман.

- Мавсумдаги илк голимни урдим. Ўйлайманки олдинда “Динамо”ни кўплаб ғалабалар кутиб турибди. Ҳар бир ғалабага голларим билан жамоага ёрдам беришни истайман ва бунинг учун ҳаракат қиламан. Мухлисларни ғалаба билан табриклайман ва бизни доимо қўллаб-қувватлаб туришгани учун жамоамиз номидан миннатдорчилик изҳор қиламан", - дейди Ихтиёр Тошпўлатов.

Дилдора Холбоева ёзиб олди