UZ

Сўнгги янгиликлар

00:50"Ливерпуль" Кьезани Чемпионлар Лигаси қайдномасига киритмагани маълум бўлди  1 00:32Элдор ва Аббос сафда, Кападзенинг кайфияти чоғ – миллий жамоа машғулотларидан ГАЛЕРЕЯ  6 00:10U-23 Осиё кубоги саралаши. Ўзбекистон жойлашган гуруҳнинг иккинчи баҳсида Қирғизистон Кими Меркнинг дубли эвазига Фаластинни енгди  2 23:50Португалия президенти марҳум Диогу Жотани орден билан тақдирлади  1 23:18"Пахтакор" 5 нафар тарбияланувчиси учун 432 миллион сўм олади  0 22:44Ўзбекистон U-17 терма жамоаси ўртоқлик ўйинида Англияга ютқазди  9 22:25Антони "Бавария" таклифини рад этганини айтди. У "Бетис"га берган сўзида турган  2 21:55"Атлетик" ФИФА Лапортни рўйхатдан ўтказишни рад этганини тасдиқлади  1 21:36Ла Лигада ой мураббий бўлиш учун номзодлар номи эълон қилинди. Флик улар орасида йўқ  8 20:55Ла Лигада август ойининг энг яхши ўйинчиси бўлиш учун номзодлар номи эълон қилинди  3 20:25Равшан Ҳайдаров: "Бутун ўйин давомида устунликка эга бўлдик, тўпни назорат қилдик"  13 19:59A Bola: Лёвдан сўнг Бенту ҳам Ўзбекистонга "йўқ" деди  107 19:50Фарруҳ Сайфиев Туркманистон билан баҳсда дарвозабонга атайин жароҳат етказдими?  11 19:33Аббос Файзуллаев: "Туркияга мослашиш қийин бўлмади"  3 17:37Фермин ва Гави қизлар туфайли жанжаллашиб қолганми?  1

Иван Бошкович "Пахтакор"га қарши ўйиндаги ғалабадан сўнг: "Чемпионатимиз шундай, заиф жамоанинг ўзи йўқ. Барча исталган рақибини ютиши мумкин" Янгиликлар

Иван Бошкович "Пахтакор"га қарши ўйиндаги ғалабадан сўнг: "Чемпионатимиз шундай, заиф жамоанинг ўзи йўқ. Барча исталган рақибини ютиши мумкин"

Ўзбекистон Суперлигаси 4-тур доирасидаги "Пахтакор" — "Сўғдиёна" (2:3) ўйинидан сўнг меҳмонлар бош мураббийи Иван Бошкович матбуот анжуманида иштирок этди.


"Ўйин жуда қизиқарли ўтди. Бешта гол ва кўплаб вазиятлар содир этилди. Узоқ кутилган ғалабага эришдик. Жамоам ва футболчиларимга ишонаман, улар бугун яхши ҳаракат қилишди. Йигитлар ўйин давомида тактик жиҳатдан ўзгаришлар қилган ҳолда яхши тўп тепишди ва голдан сўнг ўзларига келган ҳолда характер кўрсатишди. Рақиб бизга энг яхши ўйнимизни намойиш этишга имкон бермади, аммо ғалабага эриша олдик", — дея сўз бошлади Бошкович.

— Жамоага жорий мавсумда стабиллик етишмаяпти...

— Қандай ностабиллик ҳақида гапиряпсиз? Биз биттагина ўйинда Суперлигага етакчисига 1-2 ҳисобида мағлубиятга учрадик. Ностабиллик кўрмаяпман. Ўйинни кучайтиришимиз керак, натижанинг ўзи келади.

— Бугун жамоангизнинг икки қаноти жуда фаол ўйнади. Бу "Пахтакор"га қарши ўйинга қўйилган тактиками ёки ҳар бир баҳсда шундай ҳолатни кўрамизми?

— Тактика бошқа, ўйинчилар сифати бошқа. Дориев ва Йововичлар жуда кучли ўйинчилардир, улар сифатли дриблинг қила олишади ва бирга-бир вазиятларни яхши якунлашади. Умуман олганда турлича ўйнашга ҳаракат қиламиз. Бундан ташқари бугун ёш ўйинчиларни туширдик. Масалан, Отабек Аҳадов, бу унинг учун илк ўйин бўлди. Шунингдек, Хондамир Мустафоқулов... Мавлонқулов, Синдаров, Фозилов. Улар ҳам Суперлигада ўйнашмаган. Ёш ўйинчилар эплашмоқда, аммо катталар ва улар ўртаси баланс топганмиз.

— "Локомотив" ҳам "Пахтакор"га қарши фаол ўйнашдан қўрқмади ва ўйинни ютди. "Сўғдиёна" билан ҳам шундай бўлди. Нима деб ўйлайсиз, жамоалар "Пахтакор"га қарши қўрқмай ўйнашни бошлашдими ёки бу "шерлар"нинг таркиби кучайгани сабабми?

— Замонавий футболда кимдир ҳам ўйнаб, ҳам қўрқишини билмайман. Сиз буни қандай кўрасиз, билмайман. Ҳар бир жамоа рақибига қарши ўйин олдидан уни таҳлил қилади ва шунга мос тактика танлайди. Бугун мен яхши "Пахтакор"ни кўрдим. Чемпионатимиз шундай, заиф жамоанинг ўзи йўқ. Барча исталган рақибини ютиши мумкин. Бу Ўзбекистон футболи учун фойда. "Пахтакор"га келсак, улар доим Ўзбекистон чемпионлиги учун даъвогар бўлишади. Уларда катта муаммоларни кўрмаяпман, клубда терма жамоа футболчилари ва ёш ўйинчилар бор.


Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика