Иван Бошкович: "Ўйин вақтидаги эмоциялар нормал ҳолат"
04 май 23:04
Янгиликлар

Иван Бошкович: "Ўйин вақтидаги эмоциялар нормал ҳолат"

Суперлиганинг 6-туридан ўрин олган "Андижон" - "Сўғдиёна" (0:1) учрашувидан сўнг меҳмонлар бош мураббийи Иван Бошкович ўз фикрларини билдириб ўтди.

Ўйин ҳақида

- Бунақа ўйинлар Ўзбекистон футболи учун керак. Атмосфера ва мухлислар оқими жуда зўр бўлди. Биринчи бўлимда кўнгилдагидек ўйнай олмадик. Иккинчи бўлимда ўйинимиз кучайди. Ғалаба қозона олган эканмиз, барчани табриклайман.

Жуда яхши рақиб билан ўйнадик. Мухлислар ва майдондаги атмосфера жуда ажойиб эди.

- Ён ҳакамга сизда эътирозлар бўлди. Шунга изох берсангиз...

- Мен ҳам инсонман. Ўйин вақтида эмоция бўлади. Бугун бизда ҳакамликка нисбатан эътироз йўқ.

- Вақт чўзишлар сизнинг кўрсатмангиз эдими?

- Мен нечта ўзгариш амалга оширдим? Жароҳатлар нечта бўлди. Сиз ҳозир арабча футболга қиёсларсиз балки. Фактлар билан ўз ўйинимизни изохлаб бера оламан. Мен 3 марта шифокорларни майдонга тушишдан қайтардим, бу факт.