Испаниядан кетиб тўғри қилган етти футболчи...

Эстебан Камбьяссо

2004 йилнинг ёзида "Реал"дан "Интер"га эркин агент сифатида кўчиб ўтган.

У "Интер" сафига ўтиб футболчи бир клуб сафида орзу қилиши мумкин бўлган барча совринларни ютиб чиқди.

Вальтер Самуэль

2005 йилнинг ёзида 16 миллион евро эвазига "Реал"дан "Интер"га ўтган.

У "Интер" сафида Лусио билан Европадаги энг кучли ҳимоя қўрғонини ташкил этган. Миланликлар сафида кўплаб ютуқларни қўлга киритди.

Арьен Роббен

2009 йилнинг ёзида "Реал"дан "Бавария"га ўтган. Мюнхенликлар дунёнинг айни пайтдаги энг кучли футболчиларидан бирига 25 миллион евро тўлаганлар.

Айнан Мюнхенда футболчи ўзининг нималарга қодир эканлигини намоён эта олди. Беш йиллик фаолият давомида учта ЕЧЛ финали, Бундеслигадаги уч йиллик чемпионлик ва 100 дан ортиқ голлар эгасига айланди.

Уэсли Снейдер

2009 йилнинг ёзида "Реал"дан "Интер"га 15 миллион евро эвазига трансфер қилинган.

Ўша йили Флорентино Перес Роббен ва Снейдерни жамоадан қўйиб юбориб катта хато қилган. Уэсли ҳам "Интер"нинг муваффақиятларига катта ҳиссасини қўшган.

Яя Туре

2010 йилнинг ёзида "Барселона"дан "Манчестер Сити"га 24 миллион евро эвазига кўчиб ўтган.

"Сити"нинг сўнгги йиллардаги муваффақиятларига сабабчи бўлган футболчилардан бири.

Давид Сильва

2010 йилнинг ёзида "Валенсия"дан "Манчестер Сити"га ўтган. "Шаҳарликлар" футболчи учун 28,5 миллион евро тўлаганлар.

Унинг голлари ва голли узатмалари 2011/12 йилги мавсумда "Сити"га тарихий чемпионликни олиб келган.

Серхио Агуэро

2011 йилнинг ёзида "Атлетико"дан "Сити"га 38 миллион евро эвазига ўтган.

У "Сити" таркибига бориб клубнинг ҳақиқий етакчиларидан бирига айлана олди. Агар шу кетиш бўлса у Месси ва Роналду гегемониясига чек қўя олиши мумкин.

sports.ru сайти асосида Азиз Тўхтамуродов тайёрлади