Де ла Фуэнте "Marca" нашрига берган интервьюсида Ле Норманнинг ўйинидан жуда мамнун эканлигини таъкидлади. Мутахассис футболчининг кучли томонларидан бохабарлигини айтди.
"Ле Норман – Европанинг энг яхши ҳимоячиларидан бири. Уни танлаганимда, ўз ишини аъло даражада бажарадиган ва жамоамизнинг ғалаба қозонишига ёрдам берадиган катта профессионал эканлигини жуда яхши билардим", – деди де ла Фуэнте.
Эслатиб ўтамиз, Робин Ле Норман "Атлетико"да ўйнайди. Ҳимоячи жорий мавсум барча турнирларда 6 учрашувда майдонга тушиб, 1 та голли узатмани амалга оширди.
