UZ

Сўнгги янгиликлар

22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  8 21:49Уругвай термаси техник ҳамкорсиз қолди, жамоа брендсиз либосларда ўйнамоқда  1 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  13 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14

Исломбек Исмоилов: "Олти нафар асосий таркиб футболчимизда жароҳат бор" Янгиликлар

Исломбек Исмоилов: "Олти нафар асосий таркиб футболчимизда жароҳат бор"

ПРО-Лига 8-туридан ўрин олган "Хоразм" - "Турон" (1:3) учрашувидан сўнг меҳмонлар бош мураббийи Исломбек Исмоилов матбуот анжуманида иштирок этди.




"Бугунги ўйин қийин бўлишини билардик. Жамоада руҳий холат билан боғлиқ муаммолар бор эди, сабаби олдинги икки турда ғалаба қозонолмаган эдик. Лекин бугунги ўйин учун йигитларга раҳмат айтаман, улар бу учрашувда биз ўйлаётган режаларни амалга ошира олишди.

Ўйин билан боғлиқ яна бир омил бу майдон масаласи. Бугунги ўйинда сунъий қопламали стадионда ўйин ўтказдик, биласизми бу учрашувга ўз таъсирини кўрсатмасдан қолмади. Сунъий қопламали майдонда футболчиларга эркин ҳаракат қилишлари учун қайсидир маънода чекловлар бўлади.

Ўйинимизда камчиликлар бўлиши мумкин, бунга етарлича сабаблар ҳам кўп. Масалан "Турон" ёш жамоа, аксарият футболчиларни жорий мавсум аввалида, шунингдек мавсум давомида таркибга жалб этдик. Бундан ташқари 3 турдан буён 6 нафар асосий таркиб ўйинчиларимизда жароҳат бор эди, уларнинг хизматларидан фойдалана олмадик. Шундай бўлса ҳам ҳаракат қиляпмиз, интиляпмиз, ҳар бир ўйинда ғалаба учун майдонга чиқаяпмиз.

"Истиқлол"нинг мусобақадан чиқиб кетиши ҳақида? Албатта, бу ачинарли холат. Биласизми, вилоят биринчиликлари, яъни 2-лигага жамоа қўйишнинг ўзи катта меҳнат талаб этади ва ўзига яраша машаққатли. "Истиқлол" 4-5 йилдан буён шаклланиб келаётган, бир қатор ютуқларга эришиб келаётган эди. Бу клубда қанчадир инсонлар меҳнат қиларди. Ўзбек футболида хусусий клублар кўпайгани яхши деб ўйлайман.

"Хоразм" жамоаси ҳақида? Бу жамоа голга қадар бир қатор имкониятлардан фойдалана олмади. Рақиб жамоа ҳақида мен гапирмаганим маъқул, уларни ўзаро муҳокама қиладиган мураббийлари бор. Шуни айтишим мумкинки, "Хоразм" менда яхши таасурот қолдирди. Жамоага ҳозирча ғалаба етишмаяпти, битта ғалабадан кейин уларда ўзларига бўлган ишонч ортиб кетади" - дейди Исмоилов.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика