Ишқибозларни "Пахтакор" стадионига чорлаймиз
30 апр 2014 17:04
Янгиликлар

Ишқибозларни "Пахтакор" стадионига чорлаймиз

3 май, шанба куни олий лигада 7-тур учрашувлари бўлиб ўтади. "Пахтакор" ўша куни "Локомотив" билан Тошкент дербисида майдонга тушади.

"Темирйўлчилар" 6 турдан сўнг 14 очко тўплаб, иккинчи ўринда бормоқда.

"Пахтакор" футбол клуби стадионга ташриф буюраётган мухлисларни хурсанд қилишда давом этади. "Пахтакор" - "Локомотив" баҳсига ташриф буюриб, "Соғлом бола йили"га бағишланган "Омадли мухлис" ижтимоий акциясида иштирок этиш ва турли эсдалик совғаларни ютиб олиш имкониятига эга бўласиз. Чипталарни харид қилиш билан "Омадли мухлис" ижтимоий акцияси иштирокчисига айланасиз. Стадионга ташриф буюрган ишқибозларда 4та футбол тўпи, 4та спорт костюми ва "Fitness House" соғломлаштириш мажмуасига абонемент, Galaxy S4 уяли телефони ва замонавий ноутбук ютиб олиш имконияти юзага келади. Шунингдек, ўйин давомида стадионда турли салқин ичимликлар ва озиқ-овқат маҳсулотлари сотуви йўлга қўйилади. Чипталарни "Пахтакор" Марказий стадиони кассаларидан харид қиласиз. Чипта нархи 2000 сўм.

"Пахтакор" - "Локомотив" учрашуви 3 май, шанба куни "Пахтакор" Марказий стадионида соат 18:30да бошланади. Мухлисларни стадионга чорлаб қоламиз. "Пахтакор"ни қўллаб-қувватланг ва совғалар ютиб олинг!

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: