UZ

Сўнгги янгиликлар

11:04Роналду Швеция билан ўйин учун Португалия терма жамоасининг қайдномасига киритилмади  3 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  3 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  11 09:51Пике «Барселона» бош мураббийлиги учун икки номзодни айтди  2 09:23Англия терма жамоаси Евро-2024 учун либосини тақдим этди  2 09:15Рустам Мирсодиқов 70 ёшда!  2 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  9 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1

Интервью. Рустам Ашурматов нима учун "Гвангжу"ни танлаганини тушунтириб берди Янгиликлар

Интервью. Рустам Ашурматов нима учун "Гвангжу"ни танлаганини тушунтириб берди

Ўзбекистонлик ҳимоячи Рустам Ашурматов Жанубий Кореянинг "Гвангжу" клубига кўчиб ўтди.

Айни пайтда янги клуби билан янги мавсумга тайёргарлик кўраётган ҳамюртимиз билан боғланиб суҳбатлашдик.

- Янги клубга ўтиш қандай содир бўлди?
- Дастлаб "Гвангжу" клубидан "Бунёдкор"га таклиф келиб тушган. "Бунёдкор" раҳбарияти ушбу таклиф ҳақида менга айтишди. Тўғриси таклиф устида жуда кўп ўйладим. Кўпчилик билан маслаҳатлашдим ва охири бу жамоага ўтишга розилик бердим.

- Трансфер қайси агент орқали амалга ошди?

- Бу ўтиш "Бунёдкор" жамоаси раҳбарияти орқали амалга ошди. Икки клуб ўзаро келишиб трансферни амалга оширишди.

- Янги клубингиз ҳақида қандай фикрдасиз?

- Ҳозирда фикрларим ижобий, сабаби жамоа ва ундаги шароитлар жуда ҳам яхши. Мураббийлар, футболчилар барчаси менда яхши таассурот қолдиряпти.



- Сизга Суперлига клубларидан ҳам таклифлар бўлган экан. Нима учун хорижни танладингиз?

- Ҳа, албатта Суперлигадаги жуда кўп жамоалардан таклифлар бўлди. Лекин ўзимни легионер сифатида синаб кўришга қарор қилдим. Албатта менга таклиф билан чиққан жамоаларни ҳурматини сақлаган ҳолда номларини ошкор қилмайман. Таклиф учун барча жамоаларга раҳмат айтиб ўтаман.

- Янги клубингизнинг бу йилги мақсади қандай?

- "Гвангжу" ўз олдига юқори мақсадларни қўйган. Аниқроғи бу йилги вазифа Жанубий Корея олий лигасига чиқиш.

- Кореяда тил борасида қийинчилик юз бермайдими?

- Тил борасида балки озроқ қийинчилик бўлар, лекин ҳеч бир иш осонликча бўлмайди-ку. Қўлимдан келганча тил ўрганишга ҳаракат қиламан.

- Бу клубда ўзбек мухлисларига яхши таниш бўлган Сато Минори ҳам ўйнаган экан. У клубдан кетганми?

- Ҳа, Сато Минори ўтган йили бу жамоа сафида ўйнаган экан. Лекин ҳозирги кунда у жамоада йўқ.



- Фурсатдан фойдаланиб қайси мураббийларга раҳмат айтмоқчисиз?

- Раҳмат айтадиган мураббийларим жуда ҳам кўп. Тоғам Бахтиёр Ашурматовга, Миржалол Қосимовга, Сергей Лушанга, Равшан Ҳайдаровга ва албатта ёшликдаги биринчи мураббийларимга миннатдорличилигимни билдираман. Улардан кўп нарсалар ўргандим ва ўрганишда давом этаяпман. Ҳозирда худога шукр барча ишлаган мураббийларим билан алоқам яхши.

- "Бунёдкор" клуби мухлисларига айтар сўзингиз...

- "Бунёдкор" мухлисларини жуда ҳам қаттиқ ҳурмат қиламан. Улар билан алоқамизни сақлаб қоламиз деган умиддаман. Балки уларга жамоадан кетганим оғир ботгандир, лекин мени тўғри тушунишларини жудаям хоҳлардим. Мен қалбим билан доим "Бунёдкор" биланман, Олға "Бунёдкор"!


Нарзулла Сайдуллаев суҳбатлашди

Рейтинг: +63   

Фикрлар

championat.asia
< сўнгги янгиликларни кўриш
Яндекс.Метрика