Италиялик журналист Фабрицио Романо хабар беришича, Роналду учун Чемпионлар Лигасида қатнашиш энг устувор вазифа. Агар “Ювентус” Европа Лигасида қатнашадиган бўлса, у ҳолда португалиялик А Серияни тарк этади.
Бугун “Юве” янги мавсум учун формаларни тақдим этди ва унда Роналду борлигини ҳам кўриш мумкин.
Аввалроқ, португалиялик юлдуз ўз машиналарини Туриндан олиб чиқиб кетгани ҳақида хабар қилинганди.
Эслатиб ўтамиз, Андреа Пирло шогирдлари чемпионат сўнгги тури олдидан турнир жадвалида 75 очко билан 5-ўринда бормоқда. Жамоани ЕЧЛ ўрнидан атиги бир очко ажратиб турибди.
