Иммобиле терма жамоадаги фаолиятини якунлаши мумкин

Манбанинг хабар беришича, терма жамоа бош мураббийи Роберто Манчини "Лацио" ҳужумчиси билан учрашиб, ушбу масалани муҳокама қилмоқчи, бироқ футболчи фикрини ўзгартириши даргумон.

Қайд этилишича, футболчи унга билдирилган танқидлар, шунингдек, италияликлар Шимолий Македониядан мағлуб бўлиб, кетма-кет иккинчи бор жаҳон чемпионатига чиқа олмаганини инобатга олиб, шу қарорга келмоқчи.

32 ёшли футболчи жорий мавсум А Серияда 27 та ўйинда майдонга тушиб, 24 та гол урди ва 2 та голли узатмани амалга оширди.