Икки футболчи "Машъал" билан хайрлашди

"Машъал" жамоасида бир ярим йил давомида ишончли равишда посбонлик қилган Владимир Вагин клубни тарк этди. Икки томонлама келишувга асосан, футболчи ва клуб ўртасидаги шартнома бекор қилинди. Вагин 2024 йил бошида "Машъал" сафига қўшилган эди ва шу вақт мобайнида кўплаб муҳим учрашувларда дарвозани муҳофаза қилиб, ўзининг профессионал тажрибаси ва маҳоратини намоён этди. Унинг жамоага қўшган ҳиссаси мухлислар ва мураббийлар томонидан муносиб баҳоланди. Клуб раҳбарияти Владимир Вагинга ушбу давр мобайнида кўрсатган хизмати учун миннатдорчилик изҳор этади ва унинг келгусидаги фаолиятига омад тилайди.

Иброҳим Нумонов ҳам “Машъал” билан хайрлашди. Ярим ҳимоячи Иброҳим Нумонов биринчи даврада “Машъал” шарафини ҳимоя қилган эди. Клуб ва футболчи ўртасидаги икки томонлама келишувга кўра, у клубни тарк этди. Иброҳим жамоада бўлган муддат давомида ўзининг меҳнатсеварлиги ва фидоийлиги билан мухлислар меҳрини қозонган эди. Унга келгусидаги фаолиятида омад ва зафарлар тилаб қоламиз. Раҳмат, Иброҳим!", — дейилади муборакликлар хабарида.