Игорь Шквирин: "Турнир жадвалининг қуйи қисмида рақобат кескинлигини инобатга олсак, очко йўқотишимиз аламли"
08 авг 2021 23:55
Янгиликлар
![](https://championat.asia/upload/storage/651915_original.jpg)
![](/upload/storage/651915_220.jpg)
Игорь Шквирин: "Турнир жадвалининг қуйи қисмида рақобат кескинлигини инобатга олсак, очко йўқотишимиз аламли"
"Ўйин курашларга бой ўтди, дея оламан. Дербига мос учрашув бўлди. Менимча яқин тарихда бундай шиддатли дерби бўлмаганди. Ўз футболчиларимга эътирозим йўқ. Натижа эса қониқарли. Айни пайтда турнир жадвалининг қуйи қисмида кескин рақобат кечмоқда. Шу боис бундай вазиятда очко йўқотиш аламли албатта. Агарда рақиб биринчи бўлимда ёки биз вазиятлардан фойдалана олганимизда ҳисоб бошқача бўлиши мумкин эди. Абдулазизхон Абдурашидов қоидани бузмаслик ҳақида кўрсатма беряпмиз. Бугун яна жаримадан тўп ўтказдик",- дейди Игорь Шквирин.
- Дарвозабоннинг ўйинидан қай даражада қониқдингиз? Бугун "Турон" посбони кўплаб техник хатоларга йўл қўйди...
- Қониқдим ёки қониқмадим, бу ҳақида бирор нарса дейиш қийин. Биринчидан тўғри у хато қилди. "Қўқон-1912"нинг голида хатога йўл қўйгани қониқтирмади. Бунинг устида ишлаши керак. Умуман олиб қаралганда масалан "Қизилқум"га ҳам стандартдан гол уришмоқда. Бу - футбол.
- Жамоага очко керак бўлган ўйинда нима учун бошланғич таркибда битта ҳам ҳужумчи майдонга тушмади? Ҳумоюн Муртазоевни захирадан бўлса ҳам ўйинга қўшилмагани нима билан боғлиқ?
- Эътиборингиз учун ҳужумда Ихтиёр Тошпўлатов ўйнади. У ярим ҳимоячи? Буни сизга ким айтди? Ушбу футболчи "Сўғдиёна"да ишлаганимда ҳужумчи сифатида ўйнаган. Унда универсаллик бор. Сўнгги икки йилда "Металлург"да бошқ позицияда ўйнаган бўлиши мумкин. Ҳумоюн Муртозаев ҳали тайёр эмас. Ҳужумчида мослашиш жараёни кечмоқда. Шу боис Тошпўлатовни ҳужумчи сифатида синаб кўрдик. Кейин Ким Бо Ёнгни туширдик. Шундай экан иккита ҳужумчи билан ўйнадик.
Ўхшаш янгиликлар
![AMP Logo](https://championat.asia/image/logo-amp.png)
Фикрлар