Игорь Шквирин: “10 киши бўлиб ҳам ғалаба қозониш мумкин”
30 сен 2017 22:23
Янгиликлар

Игорь Шквирин: “10 киши бўлиб ҳам ғалаба қозониш мумкин”

Олий лиганинг 23-турида “Сўғдиёна” ўз майдонида Самарқанднинг “Динамо” клубини қабул қилди ва ушбу ўйинда ҳисоб очилмади.

Ўйиндан сўнг “Сўғдиёна” бош мураббийи Игорь Шквирин матбуот анжуманига қатнашди ва ўйин борасида ўз фикрлари билан ўртоқлашди.

-Ўйин қийин бўлишини билган эдик. “Динамо” курашувчан жамоа. Майдонда 10 киши бўлиб ўйнаганимизга қарамай, футболчилар майдонда яхши ҳаракат қилишди. Буни “Динамо” мураббийлари ҳам эътироф этишди. Агар вазиятлардан унумли фойдаланганимизда натижани ўз фойдамизга ҳал қилган бўлар эдик. Бугун яна муҳлисларни хурсанд қилолмадик. Ўйиндан ўйинга бу қандайдир ёмон анъанага айланмоқда. Майда қадамлар билан олдинга бормоқдамиз. Ишлашда давом этамиз.

Бугун 2 очко йўқотдик. Ўйинга реал қараганда, бир футболчи кам бўлиб ўйнаб ҳам бир нечта вазиятлар ярата олдик. 10 киши бўлиб ҳам ғалаба қозониш мумкин. Бунга мисоллар жуда кўп.

“Сўғдиёна” матбуот хизмати