Игнатий Нестеров: “Хатоим туфайли “Ал Таавон”га ютқазганимиздан сўнг “Ал Аҳли”га жиддий тайёргарлик кўрдим”

Ушбу баҳсдан сўнг “темирйўлчилар” посбони Игнатий Нестеров ўз фикрлари билан ўртоқлашди.

“Бизни қўллаб-қувватлаб туриш учун стадионга ташриф буюрган мухлисларга катта раҳмат айтмоқчиман. Сафардаги “Ал Таавон”га қарши баҳсда мени хатоим туфайли мағлубиятга учраганимиздан сўнг “Ал Аҳли” билан бўлган учрашув жуда ҳам оғин бўлди. 

“Ал Аҳли”га қарши баҳсга шахсан ўзим жиддий тайёргарлик кўрдим. Ушбу баҳсда ғолиб бўлишимизда барча футболчиларнинг хиссаси катта. Улар менга ёрдам беришди мен эса уларга. “Ал Аҳли” жамоасида яхши легионерлар ва маҳаллий футболчилар бор.

Албатта майдонда кураш бўлди, биз мана шу курашда ғолиб чиқдик. Учрашувдаги ғалабадан сўнг барча футболчилар ва клуб раҳбарияти қониқиш ҳосил қилди, деб ўзлайман. Шахсан мен ўз ўйинимдан қониқиш ҳосил қилдим”, - дейди “Локомотив” дарвозабони Игнатий Нестеров.

Жаҳонгир Сотволдиев ёзиб олди.