Ибрагимович: "Манчестер Юнайтед" ўз шаҳрининг босси бўлишини истайман"

"Сити" Англия чемпионати доирасида "Юнайтед"ни мағлуб этишга улгурган.

"Бўлиб ўтган ишни қайтара олмайсан, аммо бизда яна "Сити" билан ўйнаш имконияти бор. Сентябрда ёмон ўйнадик, чунки дербида мағлуб бўлдик, аммо Лига Кубогида олға қадам ташлаш керак. Ўз кучимизга ишонамиз ва бу асосийси.

"Сити" шарафини ўз ишини биладиган сифатли футболчилар ҳимоя қилади, аммо биз ҳам нима талаб қилинишини тушуниб турибмиз. Жамоаларимиз ашаддий рақиб ҳисобланади, чунки иккала клуб ҳам бир шаҳарда жойлашган. "Шаҳарликлар" - ҳаворанглилар, биз - қизиллар. Доимо ўз шаҳримизнинг босси бўлгимиз келади.

Бундай учрашувларда иштирок этиш борасида катта тажрибам бор. Бундай баҳсларни Европанинг турли чеккаларида ҳис қилиб кўрганман ва уларда бир неча маротаба ғалаба қозонганман. Бу баҳсда ҳам муваффақиятга эришаман деб умид қиламан" - дейди Ибрагимович.