Ҳудудий академиялар ўртасидаги мусобақада Фарғона ғолиб бўлди

Мусобақанинг биринчи босқичида “А” ва “Б” минтақаларга бўлинган ҳолда, уй-сафар тизимидаги учрашувларни якунлаб, U-14, U-15, U-16, U-17 ёш тоифасидаги энг кўп очко жамғарган саккизтадан жами 32 та жамоа иккинчи босқич йўлланмасини қўлга киритишган эди.

Ҳудудий футбол академиялари тарбияланувчилари ўртасидаги Ўзбекистон чемпионатининг дастлабки учрашувлари апрель ойидан бери ўтказилиб, октябр ойида финал босқичи якунланади.

Бугун 2005 йил тарбияланувчилари ўртасида мусобақасининг финал учрашуви бўлиб ўтди. Муросасиз ва қизиқатли ўтган финал учрашувида фарғоналиклар ғалаба қозонишди.

ФИНАЛ

Фарғона 3:1 Андижон

Голлар: Комилов Муроджон, Деҳқонов Абдуғаффор (2), Усманов Азизбек,

Жамоалар қуйидаги ўринларни эгаллашди:

1-ўрин Фарғона вилоят болалар-ўсмирлар футбол академияси

2-ўрин Андижон вилоят болалар-ўсмирлар футбол академияси

3-ўрин Наманган вилоят болалар-ўсмирлар футбол академияси

3-ўрин Сурхондарё вилоят болалар-ўсмирлар футбол академияси

Мусобақанинг ёпилиш қисмида турли номинацияларда энг яхши деб топилган футболчиларга, ЎзПФЛ Бош директори Даврон Шакурбанов, Республика футбол бўйича спорт маҳоратини ошириш олий мактаби директори Рустам Абдуллаевлар, Ўзбекистон миллий терма жамоаси Бош мураббий ёрдамчиси Тимур Кападзелар ғолиб ва совриндорларга эсдалик совғаларни топширишди.

Мусобақанинг энг яхшилари қуйидагича:

Энг яхши дарвозабон –  Назиров Зиёдуллохўжа (Фарғона вилояти)

Мусобақа тўпурари –  Комилов Муроджон (Фарғона вилояти)

Энг яхши ўйинчи –  Усманов Азизбек (Андижон вилояти)

Жорий йилнинг 8-12 октябрь кунлари 2004 йилда туғилган тарбияланувчилар мусобақани давом эттиришади.