Ҳамиджон Актамов: "Эртага ТВ орқали ўйинни томоша қилган барча бизни яхши ўйнаб ютқазганимизни кўради"
24 апр 2018 23:15
Янгиликлар

Ҳамиджон Актамов: "Эртага ТВ орқали ўйинни томоша қилган барча бизни яхши ўйнаб ютқазганимизни кўради"

"Бухоро" - "Қизилқум" (1:0) учрашувидан сўнг меҳмонлар устози Ҳамиджон Актамов матбуот анжуманида иштирок этишди.

"Бугунги ғалаба билан Бухоро аҳлини, "Бухоро" клуби раҳбарияти, мураббийлари ва футболчиларини табриклайман. Бугун дербига хос ўйин бўлди. Бугун ютқазишимиз керак эмасди. Бугун ютқазган бўлсак ҳам, бугун таркибда тушган ҳамма футболчиларим билан фахрланаман. Уларнинг ҳеч бирига эътирозим йўқ. Ўйин зўр бўлди, аммо "Бухоро" ютди. Бугун иккала жамоа ҳам яхши ўйнади. Бугун 20 мингдан ортиқ мухлислар келишди. Эртага ТВ орқали ўйинни томоша қилган барча бизни яхши ўйнаб ютқазганимизни кўради. Алам қилади яхши ўйнаб ютқазиш, - дейди Ҳамиджон Актамов.