Ҳамиджон Актамов: "Бош ҳакам устидан ПФЛга расмий шикоят ёздик"

"Бугун биринчи таймда озгина ўйинимиз унча қовушмади. Иккинчи таймда анча ҳужумлар уюштирдик. Аммо бош ҳакам ўйинни тўхтатавериб, ҳужумларимизни узиб қўяверди ва икки марта рақиб дарвозасига жарима тўпини қўйиб бермади. Бундай ҳакамлик билан ўзбек футболи қаергача боради, ҳеч нима дея олмайман.

Комиссар ва назоратчи билан видеони кўриб чиқдик. Ҳакамнин иккита қўпол хатосини кўрдик. Иккала жамоанинг ўйини чиқмади. Ўзимизда ҳам айб бор. Тўхтасинов бундай ўйинларни бузавериб тажрибали бўлиб кетган. Биз ПФЛга расмий шикоят ёздик.

Элгужанинг ўйини чиқмаяпти? Ҳали ҳам тўлиқ тайёр эмас. Аммо жамоага ёрдам берай деб майдонга тушмоқда.

Ўтган ўйинда дарвозабонимиз кўп гол ўтказгани учун Макосин майдонга тушдими? Ҳа шундай", - дейди Ҳамиджон Актамов.