Ҳамиджон Актамов: "Баҳрайнда қозонилган йирик ҳисобдаги ғалаба тарихдан жой олди"
29 мар 2016 10:55
Янгиликлар
![](https://championat.asia/upload/storage/203020_original.jpg)
![](/upload/storage/203020_220.jpg)
Ҳамиджон Актамов: "Баҳрайнда қозонилган йирик ҳисобдаги ғалаба тарихдан жой олди"
Баҳрайн футболчиларига қарши ўтадиган охирги ўйин олдидан мутахассислар фикри қандай? Бу ҳақда “Қизилқум” футбол клуби бош менежери Ҳамиджон Актамов нима дейди?
— Аввало бугунги ўйин олдидан терма жамоа мураббийлар штаби ва барча футболчиларимизга омад тилайман, — дейди Ҳамиджон Ғуломович. — Ўзбекистон терма жамоасининг гуруҳ учрашувларини пешқадам сифати якунлаётгани барчамизни қувонтиради. Футболчиларимиз ўз гуруҳида турли савиядаги рақибларга қарши чиройли ўйинлар кўрсатиб халқимизни хурсанд қилди.
Баҳрайнда қозонилган йирик ҳисобдаги ғалаба тарихдан жой олди. Бугун баҳрайнликлар ана шу мағлубият аламини олишга уринишларини тахмин қилиш қийин эмас. Рақиб жамоани таниқли футболчи ва мураббий бошқаришини ҳисобга олсак, мухлисларни Тошкентда шиддатли ўйин кутиб турибди. Кейинги босқич масаласини деярли ҳал қилиб бўлган терма жамоамиз мураббийлари балки бу учрашувда анчадан бери бошланғич таркибдан жой олмай келаётган ўйинчиларга имконият беришар?! Чунки ҳал қилувчи саралаш босқичида бунақа имкон бошқа бўлмайди. Нима бўлганда ҳам ўз мухлислар қаршисида майдонга тушадиган ҳамюртларимиз ғалабасига бугун ишонч билан қарайман ва яна бир бор футболчиларимизга омадлар тилайман.
Ўхшаш янгиликлар
![AMP Logo](https://championat.asia/image/logo-amp.png)
Фикрлар