Ҳаким Фузайлов: "Сўнгги ўйинимизни 3 кун олдин ўтказгандик, йигитларда чарчоқ аломатлари сезилди"
19 июн 22:42
Янгиликлар

Ҳаким Фузайлов: "Сўнгги ўйинимизни 3 кун олдин ўтказгандик, йигитларда чарчоқ аломатлари сезилди"

Суперлиганинг 13-тури доирасида "Сўғдиёна"- "Хоразм" (1:0) учрашувидан кейин меҳмонлар бош мураббийи Ҳаким Фузайлов матбуот анжуманида қатнашди.

"Бугун жуда иссиқ бўлди. Биз деярли уч кун олдин ўйин ўтказгандик. Ўйин тиғиз бўлгани учун йигитлар тикланиб улгурганича йўқ. Умуман олганда жамоамизда югурадиган футболчилар кўп. "Сўғдиёна"ни ғалаба билан табриклайман. Гарчи бизда чарчоқ аломатлари бор бўлса-да, ўйин тенг курашлар остида ўтди ва бу мухлисларга маъқул келди. "Сўғдиёна" гол урди, биз эса буни уддалай олмадик. Барчасини кўриб чиқамиз, футболчиларни кейинги ўйинга тиклаш керак. Чемпионат давом этади, ҳали биринчи давра якунланганича йўқ. Барча ўйинлар олдинда", - деди Ҳаким Фузайлов.

Ҳавола :

Манба : championat.asia

Янгиликларни Телеграмда ўқинг!

Рейтинг: