UZ

Сўнгги янгиликлар

00:10Вадим Абрамов: "Ҳар қандай ҳолатда ҳам биринчи ўринда қоламиз"  0 00:00ЕЧЛ. "Арсенал" – ПСЖ 0:1 (матнли трансляция)  14 23:50Февзи Давлетов: "Афсуски, йўл қўйган иккитагина хатомиз туфайли мағлуб бўлдик"  0 23:35Эрик Дайер "Бавария"ни тарк этади. Унинг кейинги жамоаси аниқ  0 22:49Мендининг жароҳати жиддий бўлиб чиқди  1 22:25Элит ОЧЛ ярим финали. "Ал Ҳилол" - "Ал Аҳли" (онлайн ҳисоб)  20 21:56Кетма-кет иккинчи мавсум Ўзбекистон Кубогининг амалдаги ғолиби гуруҳдан чиқа олмади  18 21:40"Лочин" бош мураббийи Сардор Тўхтаев: "Андижон" — бизни икки карра кўпроқ куч билан ўйнашга ундайдиган жамоа"  9 21:15Ўзбекистон кубоги. "Сурхон" ўз майдонида "Динамо"га мағлуб бўлди, "Андижон" гуруҳда қолиб кетди  19 20:55Ўзбекистон Кубоги. "Сўғдиёна" ўз майдонида йирик ғалаба қайд этди  1 20:35Александр Хомяков: "Футболда ишонч ва хоҳиш кўп нарсани ҳал қилади"  26 20:18Учта ўйинда 14:1, саудияликлар фойдасига. ОЧЛ Элит кубоги Саудияда қоладими?  10 19:34"Барселона" "Байер" футболчисини Испанияга қайтармоқчи  1 19:12Ўзбекистон кубоги. "Андижон" сафарда "Лочин"га ютқазиб қўйди   96 18:1019 ёшли посбон, "Насаф" футболчиси, ОКМКни ютган мураббий ва Ўзбекистон МТЖ аъзоси — Суперлигада 7-турнинг энг яхшилари   6

"Қизилқум" ўйинчисига қизил карточка кўрсатилиши керак эди" – Суперлига 23-туридаги баҳсли вазиятлар юзасидан Эксперт-ҳакамлар комиссияси хулосаси эълон қилинди Янгиликлар

"Қизилқум" ўйинчисига қизил карточка кўрсатилиши керак эди" – Суперлига 23-туридаги баҳсли вазиятлар юзасидан Эксперт-ҳакамлар комиссияси хулосаси эълон қилинди

Жорий йилнинг 3 ноябрь санасида Суперлига 2024-йилги мавсумнинг 23-тури якунига етди.

Ўзбекистон футбол ҳакамлари маркази мазкур учрашувлар тугагач, Эксперт-ҳакамлар комиссиясининг навбатдаги йиғилишини ўтказди ва тур доирасида кузатилган баҳсли вазиятлар таҳлил қилинди. Бу беллашувларда жами 5 та баҳсли вазият юзага келди.  

Қуйида уларнинг батафсил изоҳи ва чиқарилган якуний қарорлар билан танишишингиз мумкин:


1-вазият. "Пахтакор" - "Андижон" тўқнашуви: мезбонларнинг голи.

"Пахтакор" - "Андижон" учрашувининг 15-дақиқасида мезбонлар ҳисобни очди. Бош ҳакам Никита Мустафин мазкур ҳолатда фол йўқлигини қайд этди ва голни инобатга олди.  

 Эксперт-ҳакамлар комиссияси қарори: Мазкур вазиятда тўп ҳужумчининг қўлига эмас, ҳимоячининг тиззасига теккан. Шу сабабли, голни бекор қилиш учун асос йўқ. Эксперт-ҳакамлар комиссияси томонидан ҳакамларнинг қарори тўғри, деб топилди.

 



2-вазият. "Олимпик" - "Навбаҳор" қарама-қаршилиги: баҳсли пеналти.

"Олимпик" - "Навбаҳор" учрашувининг 35-дақиқасида мезбонлар рақиб посбони хатосидан сўнг қулай вазиятга эга бўлди ва шу ҳолатда дарвозабон 10-рақамли футболчига қўполлик ишлатиб, уни тўхтатиб қолди. Бош ҳакам Найим Қосимов мазкур эпизодда фол қайд этиб, нуқтага ишора қилди ва наманганликлар вакилига сариқ карточка кўрсатди.  

 Эксперт-ҳакамлар комиссияси қарори: Бу вазиятда посбон рақибига нисбатан қўполлик ишлатган. Пеналти белгилаш учун асос етарли. Эксперт-ҳакамлар комиссияси ҳакамларнинг қарори тўғри эканини маълум қилади.





3-вазият. "Қизилқум" - "Динамо" қарама-қаршилиги: баҳсли қизил карточка.

"Қизилқум" - "Динамо" учрашувининг 68-дақиқасида мезбонларнинг 8-рақамли футболчиси самарқандликларнинг 21-рақамли аъзосига нисбатан қўпол ҳаракат қилди. Бош ҳакам Иброҳим Исмоилов футболчига сариқ карточка кўрсатди. 

Эксперт-ҳакамлар комиссияси қарори: Бу вазиятда ВАР ҳолатга аралашмасдан хато қилган. Футболчи бутсасининг таг қисми билан қасддан рақибига зарба берган. Бу каби ҳолларда қизил карточка кўрсатилиши лозим. Эксперт-ҳакамлар комиссияси ҳакамларнинг қарорини нотўғри, деб ҳисоблади.

 


4-вазият. "Нефтчи" - "Бунёдкор" қарама-қаршилиги: баҳсли пеналти.

"Нефтчи" - "Бунёдкор" учрашувининг 80-дақиқасида меҳмонлар қулай вазиятга эга бўлди ва шу ҳолатда тўп мезбонларнинг 20-рақамли футболчисига тегиб, ўйинга қайтди. Бош ҳакам Достон Раҳмонов мазкур эпизодда тўп қўлга тегмаганини қайд этди ва баҳсни давом эттирди.  

 Эксперт-ҳакамлар комиссияси қарори: Бу вазиятда видеотакрорлардан кўриш мумкинки, тўп футболчининг қўлига эмас, қорин қисмига теккан. Пеналти белгилаш учун асос мавжуд эмас. Эксперт-ҳакамлар комиссияси ҳакамларнинг қарори тўғри эканини маълум қилади.


 


-вазият: "Металлург" - ОКМК ўйини: баҳсли 11 метрлик жарима зарбаси.

"Металлург" - ОКМК учрашувининг 90+2-дақиқасида мезбонларнинг 9-рақамли аъзоси жарима зарбасини ижро этди ва зарбадан сўнг тўп олмалиқликларнинг 22-рақамли вакилига тегиб, майдонга қайтди. Бош ҳакам Рустам Лутфуллин қўл билан ўйин йўқлигини ва қоидабузарлик ҳолати қайд этилмаганини маълум қилди. 

Эксперт-ҳакамлар комиссияси қарори: Бу вазиятда ВАР ҳаками ҳолатга аралашиб, хато қилган. Тўп ҳимоячининг қўлига тегмаган. Шу боис, комиссия бош ҳакамнинг қарорини қўллаб-қувватлайди ва уни тўғри, деб топди.


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика