UZ

Сўнгги янгиликлар

Ҳакамлар ва журналистлар ўртасидаги очиқ мулоқот бўлиб ўтди Янгиликлар

Ҳакамлар ва журналистлар ўртасидаги очиқ мулоқот бўлиб ўтди

Суперлиганинг 8-туридан ўрин олган учрашувларда ҳакамлар томонидан қабул қилинган баъзи қарорлар футбол мухлислари ва мутахассислар ўртасида қизғин муҳокамаларни келтириб чиқарди.

Ўйинларда юзага келган вазиятларни таҳлил қилиш, ҳакамлар фаолияти мавзусида фикр алмашиш мақсадида 15 май куни Ўзбекистон футбол ассоциациясида Суперлига ҳакамлари иштирокида очиқ мулоқот бўлиб ўтди. Тадбирни ФИФА ҳаками, ифтихоримиз Равшан Эрматов очиб берди.

“Яхшиям футбол бор экан, сизлар билан учрашиб туришимизга сабабчи бўлади. Футбол ҳақида ойлаб, йиллаб гапирсак ҳам кам. Сизларга “Ҳакамлар ва назоратчилар департаменти”нинг янги раҳбари Бекзод Ариповни таништирмоқчиман. Маъмур Саидқосимов бошқа лавозимга ўтиши муносабати билан Арипов унинг ўрнини эгаллади. Футбол борки бутун дунёда баҳсли, мунозарали вазиятлар бўлади. Биз мутахассисларнинг вазифаси бу ҳолатларга совуққонлик билан муносабатда бўлиб, уни тўғри тушунтириш ҳисобланади.

Дастлаб Ўзбекистон Суперлигаси ва ОЧЛ ўйинларидаги баҳсли вазиятлар жамланган видеороликларни тақдим этамиз. Бу орқали мухлисларга тўғри ва аниқ маълумот беришга ҳаракат қиламиз”, - дейди Равшан Эрматов.

“Ҳалол ва адолатли ҳакамликни таъминлаш мақсадида турли йиғилишлар ўтказилмоқда. Мендек ёш кадрга шундай масъулиятли лавозимни ишониб топширишгани учун ЎФА раҳбарияти, хусусан Умид Аҳмаджоновга миннатдорчилик билдираман. Мен бу лавозимда ўзимни бор кучим билан ишлайман ва ишончларни оқлашга уринаман.
Ҳаётим бутунлай футбол билан боғлиқ. Жисмоний тарбия институтини тамомлаганман. Ўз вақтида Олий лига жамоаларида ўйнаганман, Ўзбекистон ўсмирлар терма жамоасида ўйнаганман. Маъмур ака Саидқосимовнинг лавозимни тарк этишларига қандайдир хато ёки хатолар сабаб бўлгани йўқ”, - дейди “Ҳакамлар ва назоратчилар департаменти” янги раҳбари Бекзод Арипов.


“Бундан буёғига худди футбол жамоаларидек ишламоқчимиз. Олдин Олий лига ва Биринчи лига ҳакамлари алоҳида бўларди. Энди ПРО-лигада ишлаётган ҳакам сифатли ва ишончли ишлаётганини кўрсак унга Суперлигада ишонч билдирамиз. Аксинча Суперлигада хатоларга йўл қўйса қуйи лигага равона бўлади. Ўртадаги чегара олиб ташланди. Шунда ҳакамлар ўртасида рақобат ва ишонч пайдо бўлади. Нега футбол жамоаларидек дедим, сабаби ёшлар жамоасида ўйнаётган футболчи ўзини кўрсатишни бошласа бош мураббий уни асосий жамоага қўшади. Бизда ҳам шундай бўлади. Яъни ҳеч бир ҳакам қайсидир лигада ўзининг муқим ўрнига эга бўлмайди.

Мухлисларга ёқадиган футболни ҳакамлардан талаб қилаяпмиз. Ўйинларда камроқ хуштак чалишга келишиб олдик, аммо шундай бўлса футболчилар ўзаро уришиб кетишмоқда. Барчамиз бирга ишлашимиз керак. Биз доим ОАВ учун очиқмиз. Менимча бунгача ҳакамлар билан бундай очиқ мулоқот бўлмаган. Футболни ривожлантиришда барчамиз бирлашишимиз керак”, - дейди Равшан Эрматов.

“Пахтакор” – “Навбаҳор” тўқнашуви ҳакамлар учун сўнгги йиллардаги энг оғир ўйин бўлмоқда. Ҳеч қайси ҳакам бу ўйинда ишлашни истамайди. Нимага бир неча йиллардан буён ўзим бу ўйинда ишламайман? Сабаби ўйин Тошкентда бўлмоқда, мезбон ҳам Тошкент жамоаси. Шу боис бу баҳсга нейтрал вилоятлик ҳакам қўйилмоқда. Агар фақат мен мана шундай принципиал ва қийин ўйинларда ишлайверсам бу тўғри бўлмайди. Шахсан ўзим ҳар бир ўйинда 3-4та хатога йўл қўяман. Шукурки бу хатолар ўйин натижасига таъсир қилмайди. Ҳар бир баҳсга тушишдан олдин хато қилмайлик деб Худодан сўраб тушаман”, - дейди Эрматов.


“Ҳеч ким атайин хато қилишни истамайди. Аммо барчамиз инсонмиз. Бироқ ишонч билан айта оламанки ҳеч бир ҳакам атайин хато қиламан деб майдонга тушмайди. Энди нейтраллик ҳақида гапирсак, ўтган йил Баҳрайн ва Эрондан ҳакамлар ишлаб кетишди. Улардан бирида ўзим назоратчи эдим. Ишонинг ўшанда хорижлик ҳакам бизнинг ҳакамлардан ҳеч бир жабҳада устун эмасди. Унга мен анчагина паст баҳо қўйгандим. Мен ўзимизнинг ҳакамларни мақтаб хорижлик ҳакамларни ерга урмаяпман”, - дейди назоратчи ҳакам Сардор Нажафалиев.

“Металлург” - “Локомотив” учрашувида меҳмонлар вакили Ҳусниддин Ғофуровга қизил карточка берилган вазият видеоси намойиш этилди. Таъкидлаш лозимки Ғофуров ўйиннинг дастлабки 30 дақиқаси ичида уч марта Ғофуров рақибга қўполлик ишлатгани кўринди.

“Ғофуров бу ўйиннинг дастлабки ярим соатида уч марта гаплашдим ва эҳтиёт бўлиб ўйнашини айтдим. Бироқ 33-дақиқада айнан шу футболчи рақиб билан курашда жуда ҳам кескин ўйнади, камига йиқилган футболчини оёғини босиб ўгирилиб кетди. Аслида Ғофуровга иккита қизил карточка кўрсатса ҳам бўларди. Аммо мен ўйин боши бўлгани учун оғизаки тарзда тушунтиришга ҳаракат қилдим. Танаффусда ўзгариш? Бу соғлигим туфайли ўйинни бош ҳакам сифатида давом эттира олмадим. Ҳозир барчаси жойида кейинги ўйинга тайёрман”, - дейди ўша бош ҳаками Азиз Асимов.


“Ҳар бир футболчи майдонга тушаётганда футбол ўйнаш учун тушади. Рақибга жароҳат етказиш учун эмас ёки бокс тушиш учун эмас. Бу вазиятда бизнингча Азиз Асимов хато қилмаган”, - дейди Бекзод Арипов.

“Пахтакор” – “Навбаҳор” учрашувида Достонбек Ҳамдамов йиқилган ва пенальти белгиланган вазиятнинг видеоси намойиш этилди.

“Бу вазиятга жуда яқин эдим. “Пахтакор” футболчиси тўпни тепишга ҳозирланди ва “Навбаҳор” ҳимоячиси эса оёғи билан унинг тепаётган оёғига зарба берди ҳамда қўли билан уни ушлади. Бу вазиятда мен қарор чиқаришга ҳечам иккиланганим ҳам йўқ”, - дейди Зокир Қодиров.

Шу ўйиннинг 83-дақиқасида “Пахтакор”нинг икки футболчиси Драган Черан ва Достонбек Ҳамдамов жарима майдони ичида йиқитилган вазият видеоси кўрсатилди.
“Бу ҳолатда пенальтига тортадиган қоида бузишни кўрганим йўқ. Ҳисоб 2:2, ўйиннинг охирги дақиқалари шу боис бундай вазият учун пенальти белгилаш нотўғри бўларди”, - дейди Зокир Қодиров.

Бахтиёр Ширинов: - Бу мавсум Валентин Коваленко учта ўйинда ишлаган экан. Қизиғи учаласи ҳам АГМК иштирокида. Демак, кейинги ўйинда ҳам Коваленко АГМК ўйинида ишлайдими?
Бекзод Арипов: - Йўқ. Жамоа мағлуб бўлса ҳакамдан айб қидириш тўғри эмас. Футболчи ўзига ишонса қайси ҳакам бўлса ҳам юта олади. Энди бундай ҳолатларга қарши ишлаймиз.

Шаҳбоз Беғамов: - Суперлигадаги қайси ўйинда ким ишлаши 2 соат қолганида эълон қилинмоқда ва ҳакамларнинг ўзига бир кун қолганида айтилмоқда. Бу сизларга қулайми?
Равшан Эрматов: - Албатта ноқулай. Қайси томондан? Футболчи қайси куни ўйнашини билади ҳакамлар эса бу тур ишлайдими ёки йўқми билмайди. Бу эса барча ҳакамларни бир хил формада ушлаб туради.

Шаҳбоз Беғамов: - Нима учун ҳакамлар ўйинга оз қолганида эълон қилинмоқда? Бу ҳакамларга нисбатан ишончсизликми?
Бекзод Арипов: - Бунинг сабаби бор. Ҳакамни эълон қилсак қайсидир клублар ёки ташқи омиллар таъсирида қолиб кетиши мумкин. Ҳозирда эса ҳакамлар фақат ўйинга эътиборини қаратади. Сабаби шу.

Бобур Акмалов: - “Пахтакор” – “Навбаҳор” учрашувида Зокир Қодиров меҳмон жамоа мухлислари томонидан отилган буюмни захира ҳакамига олиб келиб берди. Бу борада қандайдир чора кўрилдими?
Бекзод Арипов: - Ўйин комиссари бу ҳолат бўйича ПФЛга расмий мурожаат қилади ва ПФЛ уни кўриб чиқади.

Элдор Мустафоев: - “Металлург” – “Қўқон-1912” учрашувида Аҳрол Рисқуллаев яхши ишлагандек туюлди, бироқ адашмасам эртасига у четлатилгани эълон қилинди. Бунга нима сабаб бўлди? Ташқи таъсирларми? Бунга қарши кураш олиб бориладими?
Бекзод Арипов: - Албатта бундай ҳолатларга қарши курашамиз ва келажакда шундай бўлишини истамаймиз.

Шаҳбоз Беғамов: - Халқаро ўйинларда агар мухлислар ўзини тута олмаса ёки майдонга буюмлар отилса бош ҳакам жамоаларни трибуна остига олиб кириб кетиши ва маълум вақт ўйинни тўхтатиб туради. Нега бизда шундай тажрибадан фойдаланилмайди? Ҳакамни эса тўғри ёки нотўғри қароридан қатъи назар жўр бўлиб ҳақоратлаш ҳам авж олган. Шу пайтда айнан мазкур тажрибадан фойдаланган ҳолда мухлислик маданиятини кўтариш мумкин, назаримда.
Равшан Эрматов: - Жуда долзарб мавзуни кўтардингиз. Албатта бундай ҳолатларга қарши курашиш керак. Чунки стадионда ҳамма баланд овозда сўкиниб ўтирса ким ўз оиласи билан стадионга келади? Ҳеч ким. Мухлислик маданиятини ўстириш керак.

Рейтинг: -83   

Фикрлар

+34   
15 май 13:12:54
Navbakhor_Nam
Кани савол Зокир Кодиров именно кайси хатоси учун уйиндан четлатилди биргина уша офсайт буйичами ёки бошка сабаб борми шуни кутган эдим ман афсус хеч ким сурамапти ёки сураган булсаям бу ерга ёзишмаган.
+27   
15 май 13:15:31
ziyoda
Асимовни мазаси булмабди. Мазаси булмаса бир ой дам олсин ишонилик. Театр томошаси давом этади. "Узини аккилли биладиган бойлар ва уларнинг кугирчоклари" дейилса тугри буларди.
+25   
15 май 15:30:36
ACMILANCOM-QIZIL-QORALAR
Аҳмаджонов келиб ҳаммаёқни ёш болалар билан тўлдириб ташлади. Бой тажрибага эга устозлар қаерга кетди?! Пахтакорни кўтараман деб тажрибали ҳакамларимизни йўқ қилди. Бу билан ўзбек футболиниям ўлдирди. Клубларимизнинг инфратузилмаси ривожланмоқда. Пул топиб легионерларни олиб келишмоқда, академиядан ёш футболчилар чиқмоқда! Клубларимизга раҳмат қўлдан келганча олдинга силжишга интилишмоқда, буёқда эса ПФЛ билан ҳакамлар орқага тортмоқда! Бунақада қандай ривожлансин ўзбек футболи. Аҳмаджонов кетиб ёши каттароқ кўпни кўрган инсон келса ҳаммаси ўз жойига тушиб кетар. Бир ерда депсиниб ўтирибмиз уч йилдан буён! Ёш футболчиларимиз кўзидаги ўтни ёндириш ўрнига ўчиришмоқда булар. Виждонни ўзига берсин экан...
+22   
15 май 13:48:32
Abdullo1984
Пахтакор мухлисларини навбахор жамоасини хакоратлашганида, Насаф мухлислари наманганликларга тош отишганида кузайнакни олиш керак эди Шахбоз бегамов!!! Же аклли булсанг шу ларни хам кушиб куйгин.
+22   
15 май 13:08:02
Bosit Ikramov
Bir nimalarni yozmoqchi edim lekin foydasi yoq butun xalq kõrib turipdi kim haq kim nohaq ekanin nima qilasizlar savsatabozlikni hammasi qoğozda amalda esa hammasi nolga teng
+17   
15 май 13:21:06
inamjon
Shaxbozni xurmat qilardim endi bir tiynsan
+16   
15 май 15:19:52
ACMILANCOM-QIZIL-QORALAR
Яна олди қочди умумий қуруқ гаплар! Савиямиз йилдан йилга орқага кетмоқда. Ҳаммаёқни ёш болалар эгаллаб ташлаган. Энг ёши каттаси Равшан Эрматов бўлса керак. Ҳакамлар қўмитаси раиси она сути оғзидан кетмаган бир гўдакни қўйибдилар. Маъмур акамлар деб гапиряпти. Маъмур ўзи энди 40 га кирган бўлса! Қани Ноил Лутфулин? Қани Бобур Ҳайдаров! Қани Марат Исмоилов, Арслон Хотамов, Рашид Айтековлар?! Буларда тажриба ғиж ғиж эдику. Бу ёш гўдаклар нима ҳам қила оларди!
+16   
15 май 13:11:47
ziyoda
Нажафалиевни узи нефтчини хаками булган. Жуда егилган хакамларимиз. Битта адолатли йук. Хакамлар бир кун олдин ёки бир минут олдин тайинланадими толк йук. Хаммаси узгармидиган бир хил хакамлар булса фарки йук.
+16   
15 май 13:07:43
Assalomu alaykum
Qachongacha xakamlar paxtakor yon bosasilar qachon tugaydi shu savol berilamapti ufaga
+16   
15 май 13:07:05
QÖYSANGChi
Ким гапирсаям Ровшан ака гапирмасинде. Андижондаги Насаф билан уйинидаги спектаклда дирижорлик килган одам энди шу ... одамда бетам колмапти
+12   
15 май 13:32:00
Nasaf TTT
Гапни кара 3 марта огохлантирганмуш бошидан битта сарик берганингда узини босиб оларди довдир Асимов.
+10   
15 май 13:37:06
Azizbek Nishonov
E senlani savolingayam, savolni qara tosh otildi chora koʻriladimi......nima bu muxlislar ustidan ochiqchasiga kulushmi, ayrim jurnalistlar oʻzidan yulduz yasavobti, bilib qoʻyinglar futbol koʻradigan muxlis boʻlmasa, hammang bir tiyinsan !!!!
+10   
15 май 13:12:27
M_Hojiakbar
Senariy oldindan tayyorlab qo'yilganmi deyman. Hammasi kelishilgan savol javoblar.
+10   
15 май 13:02:00
Харезм
Мухлислар хам одам бекорга сукинишмайди балки хакамлар хам шу сукинишларни эшитиш учун атайлаб хато килишар
+9   
15 май 15:44:28
Barkamol2017
Навбахор тугрисида бирор марта хам ижобий фикр билдирмайдиганлар сизлар хам бир мартагина намангангра келиб стадионда куринг наманганлик булиб куринг уйинни кузингизда ут енади зх деворасиз наманганлик булмаганингизга
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг