Гвардиола: "Де Брюйне қайтганидан жуда ҳам хурсандман"
06 дек 2024 13:24
Янгиликлар

Гвардиола: "Де Брюйне қайтганидан жуда ҳам хурсандман"

"Манчестер Сити" бош мураббийи Хосеп Гвардиола жамоа етакчиларидан бири Кевин де Брюйненинг "Ноттингем Форест"га қарши ўйиндаги ҳаракатлари ҳақида гапирди.

"Сити" АПЛ 14-тури доирасида "Ноттингем"ни 3:0 ҳисобида мағлуб этди ва Кевин ушбу беллашувда битта гол урди.

"Де Брюйне қайтганидан жуда ҳам хурсандман. У фантастик 75 дақиқани майдонда ўтказди ва энг яхшисига лойиқ. Кевин ажойиб инсон ва анча йиллар олдин клубга келганидан бери жамоа учун ниҳоятда муҳим ўйинчи бўлиб келмоқда", - дея Гвардиоланинг сўзларини келтирди "BBC".