Гризманн - “Атлетико”нинг хорижлик тўпурарлари орасида пешқадам
16 дек 2018 09:33
Янгиликлар

Гризманн - “Атлетико”нинг хорижлик тўпурарлари орасида пешқадам

“Атлетико” ҳужумчиси Антуан Гризманн Ла Лига 16-турида “Вальядолид”га (3:2) қарши баҳсда “дубл” қайд этди.

Клуб матбуот хизматининг хабар беришича, ушбу учрашувда 27 ёшли француз футболчиси “матрасчилар” сафида чемпионатда 83-голини киритди. Шу тариқа ҳужумчи “Атлетико”нинг хорижлик тўпурарлари рўйхатида аргентиналик Рубен Канони ортда қолдириб, якка пешқадамга айланиб олди. Ушбу натижага эришиш учун Гризманнга 159 та учрашув кифоя қилди.

“Реал Сосьедад” клуби тарбияланувчиси ҳисобланган футболчи 2009 йилда жамоаси таркибида дебют қилганди ва 2014 йилда “Атлетико”га кўчиб ўтганди. Тўрт йил давомида у “матрасчилар” таркибида ўз ҳисобига 120 та гол ёзиб қўйшга улгурди. Бу борада у клуб тарихидаги энг яхши еттинчи футболчи бўлиб турибди.

Ҳавола :

Манба : "Атлетико" ФК расмий сайти

Янгиликларни Телеграмда ўқинг!

Рейтинг: +5