Григорий Колосовский: "Йигитлар бугун борини бериб ўйнашди"
14 авг 2016 12:49
Янгиликлар
![](https://championat.asia/upload/storage/211899_original.jpg)
![](/upload/storage/211899_220.jpg)
Григорий Колосовский: "Йигитлар бугун борини бериб ўйнашди"
- Иккинчи бўлимни муваффақиятсиз ўтказдик. Рақибга 30 дақиқа экринлик бердик ва улар бундан унумли фойдаланиб, гол уришди. Биз кўпроқ ҳужум қилдик, айниқса биринчи бўлимда. Гол уриш учун ажойиб имкониятларга эга эдик. Аввалги баҳсларда ҳам голли вазиятлардан фойдалана олмаган эдик. Бу бизнинг асосий муаммоимизга айланиб бормоқда.
Бизда таркиб борасида муаммолар бор. Захира ўриндиғимиз жуда кичкина. Асосий таркиб футболчилари жуда кўп куч сарфлашмоқда. Йигитлар бугун борини бериб ўйнашди. Ҳошимовнинг четлатилиши ҳам таъсир қилди. Уни шунга мажбур қилишди. Даврон бунга эътибор бермаганида, учрашув бошқача ўтган бўларди. Биз ғалаба қозонмоқчи эдик, аммо бу амалга ошмади. Вазиятлардан унумли фойдалана олмаяпмиз.
Биз биринчи бўлимда фақат ҳужум қилдик. "Бухоро"да эса саноқли вазиятлар бўлди. Четлатишдан сўнг ўйинимиз ўзгариб кетди. Сўнгги 3-4 дақиқада Каримов ва Машариповда ажойиб имконият бўлди. Улар зарба беришнинг ўрнига, тўпни жамоадошига оширишди - дейди Григорий Колосовский.
Ўхшаш янгиликлар
![AMP Logo](https://championat.asia/image/logo-amp.png)
Фикрлар