Goal.com: “Бавария” чемпион бўлмаса, Тухель ҳайдалади
25 апр 2023 08:56
Янгиликлар

Goal.com: “Бавария” чемпион бўлмаса, Тухель ҳайдалади

Goal.com хабарига кўра, агар “Бавария” ушбу мавсумда Германия чемпионлигини қўлга кирита олмаса, Томас Тухелни бош мураббий лавозимидан бўшатиши мумкин.

Манбага кўра, германиялик мутахассис тайинланганидан икки ой ўтиб, ўз лавозимини йўқотиш эҳтимоли жуда юқори. Тухель бошчилигида “Бавария” етти учрашувда уч бор мағлуб бўлди, икки марта ғалаба қозонди ва яна икки бор дуранг ўйнади.

Юлиан Нагелсман қўл остида “Бавария” барча мусобақаларда 37 ўйинда уч марта мағлуб бўлганди. Шу билан бирга, “Бавария” Чемпионлар лигаси ва Германия кубогидан чиқиб кетди. Чемпионатнинг ўтган туридан сўнг мюнхенликлар биринчи ўрини Дортмунднинг “Боруссия”га топширганди.

Маълум қилинишича, “Бавария” хўжайинлари 22-май, душанба куни клубнинг мавсумдаги сўнгги ўйинига беш кун қолганда йиғилиш ўтказиб, мураббийлар ва директорлар штаби бўйича якуний муҳим қарорларни қабул қилишади.

Ҳавола :

Манба : championat.com

Янгиликларни Телеграмда ўқинг!

Рейтинг: +2