Германия таркиби эълон қилинди: Хедира йўқ, Сане эса...

Бу ҳақда ГФИ расмий твиттери хабар бермоқда.

Таркибга жалб этилганлар ичида мундиалга бормаган Лерой Сане, Хаверц, Шульц, Петерсен ҳамда Тило Керер ўрин олишган. Терма жамоадаги фаолиятини якунлаган Месут Ўзил эмас кутилганидек йиғинга жалб этилмаган. Шунингдек, Марио Гомез ва Сами Хедира каби тажрибали футболчилар ҳам бу сафар рўйхатдан тушиб қолишган.

Йоахим Лёв бу сафар одатдагидек уч нафар дарвозабон эмас, балки икки кипер - Нойер ва тер Штеген билан кифояланган.

Германия терма жамоаси Миллатлар лигаси доирасида 6 сентябрь куни Жаҳон чемпиони Францияга қарши майдонга тушади. Ўртоқлик учрашуви доирасида эса 9 сентябрь куни Перу билан ўйин ўтказилиши кўзда тутилган.

Эслатиб ўтамиз, Германия Миллатлар лигасида Франция ҳамда Голландия терма жамоалари билан биргаликда "A" гуруҳидан ўрин олган.