Футзалчиларимиз Осиё чемпионати йўлланмаси учун Бишкекка жўнаб кетишди

Сафар олдидан терма жамоа бош мураббийи Баҳодир Аҳмедов билан қисқача суҳбатлашдик.

"Бишкекдаги саралашга яхши тайёрландик. Тошкентда Қирғиз Республикаси терма жамоаси билан икки марта ва Туркманистон билан бир бор ўртоқлик учрашувлари орқали сўнгги тайёргарликни ўтказдик. Якуний таркибга Рустам Умаровнинг киритилмаганига кеча унинг онаси вафот этди. Шу боис бундай вазиятда Рустамни хорижга олиб кета олмасдик. Фурсатдан фойдаланиб унга ва унинг оиласига яна бир бор чуқур ҳамдардлик билдираман. Суннатилла Жўраев ва Хушнур Эркиновда эса жароҳат бор. Шу боис уларни Бишкекка олиб боришдан маъно кўрмадим ва уларнинг ўрнини ёш футзалчилар билан тўлдирдим", - деди Баҳодир Аҳмедов.

Эслатиб ўтамиз, қуръа натижаларига кўра, Ўзбекистон футзал миллий терма жамоаси гуруҳ босқичида Тожикистон, Афғонистон ва Непал терма жамоалари билан кураш олиб боради.

Учрашувлар 10-12-апрель кунлари ўтказилади. Вакилларимиз ушбу босқичдаги иштирокини 10 апрель куни Непал терма жамоасига қарши ўйин билан бошлайди.

Осиё чемпионати саралашига йўл олган якуний таркибимиз:
Дарвозабонлар:
Равшан Элибоев ("Каспий", Қозоғистон)
Аббос Элмуродов ("Хуахин-Жиззах")

Футболчилар:
Ихтиёр Ропиев ("Хуахин-Жиззах")
Машраб Одилов ("Локомотив")
Анасхон Раҳматов ("Хуахин-Жиззах")
Илҳом Ҳамроев ("Хуахин-Жиззах")
Ҳусниддин Нишонов ("Хуахин-Жиззах")
Дилшод Раҳматов ("Хуахин-Жиззах")
Даврон Чориев ("Хуахин-Жиззах")
Ҳайрулла Солихов ("Бунёдкор")
Элбек Тўлқинов ("Хуахин-Жиззах")
Давлат Ибрагимов (АГМК)
Акбар Усмонов ("Локомотив")
Музаффар Аҳаджонов (АГМК)