Футзал. Қорақалпоғистон чемпионатининг 3-тури якунланди

Ўз навбатида олий ва биринчи лига жамоалари биринчи босқичнинг 3-тур ўйинларини ниҳоясига етказишди. Айни дамда, кучлилар жадвалини КГУ жамоаси бошқариб бормоқда. Қорақалпоғистон давлат университети футзалчилари олий лигада мағлубиятга учрамаган ягона жамоа бўлиб турибди. Нукус Олимпия захиралари коллежининг иккинчи жамоаси эса етти учрашув ўтказганига қарамай, биронта очкога эга эмас. Ҳатто, улар сўнгги турда республика спорт мактаби тарбияланувчиларига ҳам йирик 1:7 ҳисобда имкониятни бой беришди.

НГПИ (Нукус) - НКОР-1 (Нукус) - 7:5,
КГУ (Нукус) - НКОР-2 (Нукус) - 5:2,
НКОР-2  - НГПИ  - 0:4,
НКОР-1 - Рес.ДЮСШ- 1 (Нукус) - 1:2,
НГПИ  - КГУ - 3:3,
Рес.ДЮСШ-1– НКОР-2 - 7:1.

МУСОБАҚА  ЖАДВАЛИ

                                  Ў  Ю  Д  М  Т-Н  О
 
  1. КГУ                       6  5  1  0  28-18  16
  2. НГПИ                    7  4  1  2  41-29  13
  3. Рес. ДЮСШ №1     6  3  1  2  25-20  10
  4. НКОР-1                 6  2  1  3  16-15  7
  5. НКОР-2                 7  0  0  7  9-36   0

Маълумки, биринчи лига мусобақасида 13 та жамоа икки гуруҳда баҳс олиб бормоқда. Бу ерда тўққиз ўйиндан сўнг, “А” гуруҳида дастлабки уч ўринни «AS-SAFIRA GOLD Метан»  (Хўжайли, 27 очко), «СФК Динамо» (Нукус, 16 очко) ва «Устюртгаз» (Қўнғирот, 12 очко) жамоалари эгаллаб турибди. “Б” гуруҳида эса Нукус шаҳрининг «Гоне-кала» жамоаси 21 очко билан пешқадамлик қилмоқда. «ГорДЮСШ-2» (Нукус, 20 очко) иккинчи, «Тахиаташ-Нуршы»(Тахиатош, 16 очко) учинчи ўриндан жой олган.

Икром  ХУДОЙБЕРГАНОВ,