Футзал. Ўзбекистон терма жамоасининг бугунги машғулоти
07 июл 2016 18:53
Янгиликлар

Футзал. Ўзбекистон терма жамоасининг бугунги машғулоти

Теглар : Футзал

Футзал бўйича Ўзбекистон миллий терма жамоаси йиғинни давом эттирмоқда.

Бир неча кун олдин йиғинни тарк этган дарвозабон Рамил Алмамедов ўрнига "Ардус" клуби посбони Равшан Элибоев таркибга келиб қўшилди. Бугунги машғулотда Равшан ўнг қўлидан олган енгил жароҳат сабаб якка тартибда шуғулланди. Қолганлар эса тўлиқ иштирок этди.

Бугун кундузги машғулотда Хосе Мария Мендез асосан рақиб тезкор қарши ҳужумга ўтган пайтда қандай ҳаракат қилиш кераклиги устида ишлатди.

Ўзбекистон терма жамоаси эртага 17:00да "Ўзбекистон" спорт мажмуасида клублар ўртасидаги Осиё чемпионатига тайёргарлик кўраётган "Олмалиқ" клуби билан назорат учрашуви ўтказади.

Эслатиб ўтамиз, Ўзбекистон терма жамоаси 12, 13, 14 июль кунлари Тожикистон билан Тошкентда учта ўртоқлик учрашуви ўтказади.