Футзал. Коронавирус сабаб қолдирилган Осиё чемпионати қачон ўтказилиши маълум бўлди

Афсуски, Хитойда тарқалган Коронавирус сабаб мусобақа номаълум муддатга қолдирилгани ҳақида 3 февраль куни хабар берилганди.

Коронавирус сабаб футзал бўйича Осиё чемпионати номаълум муддатга қолдирилди

Ўзбекистонлик таниқли футбол мутахассиси Алишер Никимбаев ўзининг телеграм каналида мусобақа қачон ўтиши маълум бўлгани ҳақида ёзди. Унга кўра, футзал бўйича Осиё чемпионати 5-16 август кунлари бўлиб ўтади. Бундан мақсад, шу йилнинг 12 сентябридан 4 октябрига қадар Литвада ўтказиладиган Жаҳон чемпионати йўлланмаларини аниқлаштириш.

Ўз навбатида футзал бўйича Клублар ўртасидаги Осиё чемпионати ҳам 2-13 декабрь саналарига кўчирилди.

"Ҳар иккала мусобақанинг бўлиб ўтадиган саналари расман ОФКнинг футзал ва пляж футболи қўмитаси, кейин Ижроқўм томонидан тасдиқланиши керак. Булар барчаси расмиятчилик", - дейилади Никимбаев каналида.

Эслатиб ўтамиз, Осиё чемпионатида 16 терма жамоа 4 гуруҳга бўлинган ҳолда ғолиблик учун кураш олиб боради. Баҳодир Аҳмедов бошчилигидаги Ўзбекистон МТЖ "C" гуруҳида Баҳрайн, Хитой ҳамда Индонезияга қарши баҳс олиб боради.

Қитъанинг энг кучли 5 жамоаси Литвада бўлиб ўтадиган тўққизинчи мундиалга йўлланмани қўлга киритади.

Осиё чемпионати қолдирилгани сабаб футзал бўйича Ўзбекистон МТЖ йиғинни якунлади