Футзал. Дилшод Ирсалиев: "Бунёдкор"га қарши ўйнаш йилдан-йилга қийинлашиб бормоқда"
23 ноя 2015 14:44
Янгиликлар

Футзал. Дилшод Ирсалиев: "Бунёдкор"га қарши ўйнаш йилдан-йилга қийинлашиб бормоқда"

Тошкентдаги "Ўзбекистон" спорт мажмуасида футзал бўйича XX миллий чемпионатнинг 2-тур беллашувлари давом этмоқда.

Кеча бўлиб ўтган иккинчи кунги баҳсларда "Ардус" клуби "Бунёдкор"ни мағлуб этган ҳолда турнир жадвалининг биринчи поғонасига кўтарилиб олди. Ўйиндан сўнг иккита гол уриб "Ардус" ғалабасига муносиб ҳисса қўшган Дилшод Ирсалиев ўз фикрларини билдирди.

"Бунёдкор" 2-3 йилдан бери ёшларини ўйнатиб келмоқда, ўз навбатида ёшлар тажриба орттириб боришмоқда. Шунинг учун ҳам "Бунёдкор"га қарши ўйнаш йилдан-йилга қийинлашиб бормоқда. Лекин, шунга қарамасдан учрашувга яхши тайёргарлик кўрган ҳолда ғалабани қўлга киритдик.

Рақиб дарвозасини иккинчи дарвозабон қўриқлади, балки асосий дарвозабон Олег Тукмаков бўлганида ўйин бошқача бўлиши ҳам мумкин. Лекин, иккинчи дарвозабон ҳам яхши ўйнади", - дея ўз фикрини билдирди Дилшод Ирсалиев.

Ҳавола :

Манба : ardusfc.uz

Янгиликларни Телеграмда ўқинг!

Рейтинг: +1