UZ

Сўнгги янгиликлар

23:37БАА футбол федерацияси ёшини сохталаштирган 18 нафар мисрлик футболчини депортация қилди  0 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  14 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14 19:33Кварацхелия "Наполи"дан кетмоқчи эмас  2

Футзал бўйича Осиё Кубоги-2022. Ўзбекистон Японияга ютқазди ва финалсиз қолди Янгиликлар

Футзал бўйича Осиё Кубоги-2022. Ўзбекистон Японияга ютқазди ва финалсиз қолди

Қувайт мезбонлик қилаётган футзал бўйича XVI Осиё Кубоги баҳслари якуний палласига кириб бормоқда.

Бугун мусобақанинг ярим финал беллашувлари бўлиб ўтмоқда. Баҳодир Аҳмебов бошчилигидаги Ўзбекистон терма жамоаси 3 карра Осиё чемпиони Японияга қарши кураш олиб борди. Унда японлар 2:1 ҳисобида зафар қучишди.

Футзал бўйича Осиё Кубоги-2022

Ярим финал

Ўзбекистон – Япония 1:2

Кувайт Сити, "Саад Ал Абдуллоҳ Ҳалл" спорт мажмуаси. 19:00

Ҳакамлар: Ҳусайн Али Албаҳҳар (Баҳрайн), Ҳелдай Иданг (Малайзия), Труонг Қуок Дунг (Вьетнам)

Таймкипер: Зари Фатҳи (Эрон)

Комиссар: Ричард Жосон (Филиппин)

Голлар: И.Ҳамроев (Ҳ.Нишонов) 17 - А.Оливейра 23, Каназава 30

Ўзбекистон (биринчи бешлик): 12.Равшан Элибоев, 4.Ихтиёр Ропиев, 6.Илҳом Ҳамроев, 8.Ҳусниддин Нишонов, 10.Даврон Чориев.

Захира: 1.Рустам Умаров (с), 2.Анасхон Раҳматов, 3.Машраб Одилов, 5.Суннат Жўраев, 7.Дилшод Раҳматов, 9.Элбек Тўлқинов, 11.Акбар Усмонов, 13.Шаҳрам Фахриддинов, 14.Давлат Ибрагимов.

Япония (биринчи бешлик): 1.Хигор Пирес, 3.Сома Мизутани, 5.Артур Оливейра (с), 6.Томоки Йошикава, 9.Нето Антонио Хирата.

Захира: 2.Гильерме Куромото, 4.Ишида Кентаро, 7.Сора Каназава, 8.Атсуя Уемура, 10.Крепалди Винисиус, 11.Казуя Шимицу, 12.Кокора Харада, 13.Такуми Нагасака, 14.Шунта Учимура.

Огоҳлантиришлар: И.Ҳамроев 5, Ҳ.Нишонов 20, Н.Элибоев 29 - А.Оливейра 35


МАТНЛИ ТРАНСЛЯЦИЯ

ЯНГИЛАШ



Баҳс якунланди. Японияга ютқазган вакилларимиз энди 3-ўрин учун курашишади. Афсуски шундай. Сўнгги 5 дақиқада японларни қамаган вакилларимиз гол ура олишмади, рақиб посбони Гильерме Куромото эса ўйин қаҳрамони бўлди.

Учрашув якунланишига 2 сония қолганда Баҳодир Аҳмедов тайм-аут олди.

Когуре тайм-аут олди.

40 - Зарбааааааа, нималар қилди япон дарвозабонииии. Мусобақанинг энг зўр сейвини ижро этди Ҳамроевнинг бош билан берган зарбасидан кейин.

39 - Зарбаааааа, Раҳматовнинг яна бир зарбасини кипер қайтаряпти.

38 - Зарбаааааа, эҳҳҳҳҳ Раҳматоввввв. Деярли бўш қолган дарвоза....

37 - Зарбаааааа, Ҳамровенинг зарбасииии......

35 - Зарбааа, Ропиевнинг зарбасини кипер қайтарди.

35 - Деярли бирга-бир қочаётган Нишоновни очиқчасига йиқитган Оливейрага сариқ.

35 - Ўйновчи дарвозабонни туширди Баҳодир Аҳмедов. И.Ҳамроев бешинчи ўйинчи бўлади.

33 - Рақибда дарвозабон алмашди. Гильерме Куромото Хигор Пирес ўрнига тушди. Японмас посбон ўрнига бошқа бир японмас дарвозабон.

30 - Гол, Каназава гол урди.

30 - Умароввв, яна бир хавфни бартараф этди.

29 - Ҳакамлар нималардир қилишяпти, йўқ жойдан ҳозир жарима зарбаси беришди дарвозамизга. Шу сабаб эътироз билдирган ёрдамчи мураббий Нодир Элибоев ҳамда таржимонимиз огоҳлантирилди.

28 - Уҳҳ, Умаров икки марта қутқарди бизни. Қойил!

27 - Артур Оливейранинг навбатдаги зарбасини Умаров ушлаб олди.

27 - Элбек бир рақибни алдади, кейин эса зарбасига блок қўйишди.

26 - Иккинчи тўртлигимиз тушди.

Бу ўйин ўзбек ва япон футзали афсоналари тўқнашуви ҳам бўляпти. Уларда Кенихиро Когуре, бизда эса Баҳодир Аҳмедов бош мураббий.

23 - Рақиб провакация қилди ва Раҳматов қизишиб кетиб сариқ карточка олди. Айёр рақибни провакацияларига учмаслик керак.

23 - Гол, рақиб сардори Артур Оливейра ҳисобни тенглаштирди.

Иккинчи бўлим бошланди.



Биринчи бўлим якунланди. Японларнинг катта устунлигида ўтган бўлимни ўз фойдамизга ҳал қила олдик. Баркалла, йигитлар!

20 - Ҳ.Нишонов рақибга керак эмас жойда қўполлик ишлатгани учун огоҳлантирилди.

20 - Уҳҳҳ, Атсуянинг кучли ва аниқ зарбасини Умаров қайтарди. Баракалла.

Трансляцияда муаммолар юзага келмоқда.

Баҳодир Аҳмедов 1 дақиқалик тайм-аут олди.



18 - Ҳаҳаҳаҳаҳа, омад дегани шу бўлса керак) Бўш дарвозага ярим метрдан гол уролмади япон футзалчиси.

17 - Гоооооолллллллл, ажойиб гол!!!! Нишонов рақибни алдаб пас берди, И.Ҳамроев гол урди. Асал гол, асал.

17 - Зарбаааа, Ропиевнинг зарбасини посбон боши билан қайтарди. Эҳҳҳҳ

16 - Уҳҳҳ, энди Винисиуснинг зарбаси Умаров қўриқлаётган дарвоза тўсини тегди.

16 - Зарбааааа, Анасхоннинг кучли зарбасини тўсин қайтарди.

15 - Япония устози тайм-аут олди.

14 - Зарба, кучли зарбага Д.Раҳматов блок қўйди.

13 - Хирата яна паркетга қайтди.

13 - Зарбааа, эҳҳҳ Илҳоммм. Чориев тўпни рақибдан олиб қўйди ва лҳомга оширди. Ҳамроев эса энг хавфли имкониятимизни кўкка совурди.

11- Энди рақиб ҳужумчиси Хирата чап оёғини ушлаб паркетни тарк этди.

10 - Эҳҳҳ, таркибимизда кўнгилсизлик. Равшан Элибоев ўнг оёғидан жароҳат олди ва майдонни тарк этди. Унинг ўрнига Рустам Умаров тушди.

8 - Крепалди Винисиуснинг зарбасини Р.Элибоев қайтарди.

8 - Д.Раҳматовнинг кучсиз зарбасини рақиб посбони ушлаб олди.

7 - Тезроқ ўзимизга келиб олишимиз керак, устунликни тўлалигича японларга бериб қўйдик.

6 - Равшаннинг зарбасини ноаниқ кетди.

6 - Уҳҳҳ, Элибоев рақибни кутиб олди, Мизутани эса тўпни унинг устидан ошириб қўйди. Дарвозамизга кетаётган тўпни Ропиев майдон ташқарисига чиқариб юборди. Катта устунлик рақибларимизда.

5 - Японларнинг яна бюир зарбаси дарвозамиз устунига тегди.

5 - Уҳҳҳ, Оливейранинг зарбасидан кейин тўп Элибоевнинг оёқларига тегиб кириб кетай деди, яхши ҳам Равшанни ўзи кириб кетаётган тўпни чизиқ устида ушлаб олди.

5 - Сариқ. Илҳом Ҳамроев Оливейрага ишлатган қўполлиги учун огоҳлантирилди.

4 - Дарвозабонимиз Равшаннинг кучли зарбасига аниқлик етишмади.

3 - Баҳодир Аҳмедов иккинчи тўртликда Акбар Усмоновни эмас, ёш ҳужумчи Элбек Тўлқиновни туширди.

- Японлар беллашувни катта кучни олдинга ташлаган ҳолда бошлади. Кетма-кет зарбалардан ҳозирча омон қоляпмиз, Р.Элибоевга ҳам раҳмат шу жойида.

1 - Уҳҳҳ, Мизутани ҳамда Оливейранинг зарбаларини Элибоев қайтарди.

1 - Ўйиндаги биринчи зарбани японлар беришди. Хиратанинг зарбаси устунга тегиб чиқиб кетди.

Учрашувни биз бошлаб бердик. Олға!

Ўйинолди расмий жараёнлар якунланди, ҳамма нарса ўйинни бошлашга тайёр.

Терма жамоалар аренага чиқиб келишди. Ватанимиз мадҳияси янграмоқда...

- Мухлисларимиз аллақачон аренада ва йигитларни қўллаб-қувватлашни бошлаб юборишган.



Учрашув Тошкент вақти билан 19:00да старт олади. Ўртага финал йўлланмаси қўйилган учрашувда футзалчиларимизга омад тилаб қоламиз.

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика