Фред... У қанчалик даражада яхши футболчи?

"Шахтёр" ва Бразилия терма жамоаси ярим ҳимоячиси Фред бир неча йиллардан буён Европанинг гранд жамоалари эътиборида бўлди. "Барселона", "Арсенал", "ПСЖ", "Манчестер Сити" и "Манчестер Юнайтед“... Якунда Россиядаги ЖЧга тайёрланаётган футболчини МЮ илиб кетди.

У ҲАҚИДА

"Фред - ажойиб футболчи, жамоамизнинг асосий фигураларидан бири. У мен учун энг яхши бразилиялик ярим ҳимоячи“.
"Шахтёр" бош мураббийи Паулу Фонсека

"Фред "Манчестер Юнайтед"га ўтганидан хурсандман. У билан фахрланаман. Фредни "Шахтёр"га олиб келганимда, ҳужумда бошқа футболчилар ўйнашарди. Шу боисдан уни кўпроқ таянчда ўйнатдим“.
"Шахтёр"нинг собиқ устози Мирча Луческу

"Агарда клубда ишлаганимда, раҳбариятга Фредни олиб келиш кераклигини айтардим“.
Бразилия терма жамоаси бош мураббийи Тите

"Фред - яхши йигит. У Бразилия терма жамоаси таркибида ўйнашга лойиқ. Бир сўз билан айтганда Фред - тилла инсон“.
"Шахтёр" футболчиси Тайсон

СТАТИСТИКА

Бразилия термасида: 8 ўйин
Еврокубокларда: 21 учрашув, 6 гол
Халқаро турнирлар: 149 учрашув, 20 гол

ШУҲРАТ ЧЎҚҚИСИГА ЙЎЛ

Бразилия
• У футбол билан шуғулланишни Белу-Оризонтида бошлаган. 10 ёшга кирганида "Атлетико Минейро" клубининг академиясига қабул қилинган.

• "Атлетико Минейро"даги 6 йилдан кейин у "Порту-Алегри", кейинчалик бироз машҳурроқ "Интернасьонал"га ўтди. Асосий жамоада у 2012 йилда, 19 ёшлигида дебют қилди.

• Тез орада у жамоанинг асосий юлдузига айланиб олди ва плеймейкерлик зонасида ҳаракат қилди. Бразилия А Сериясининг 33 учрашувида у 7 гол урди ва шунча голга ассистентлик қилди.

"Шахтёр"

• 2013 йилнинг июнида у 15 млн евро эвазига "Шахтёр"га кўчиб ўтди. Унгача жамоани Фернандиньо ва Генрих Мхитарян каби футболчилар тарк этганди.

• Бошида у Генрих Мхитаряннинг ўрнида ҳаракат қилиши кўзда тутилганди. Бироқ Фред Алекс Тейшейранинг ўрнида ўйнади. Мирча Луческу Фредни бир неча позицияларда синаб кўрди. Узоқ вақт давомида унинг аниқ бир жойини топа олмади.

• Фреднинг "Шахтёр"даги дебюти аъло даражада бўлди. У Украина Суперкубогида "Черноморец" жамоаси дарвозасига икки бора йўл топди. Баҳсда "кончилар" 3:1 ҳисобида мағлуб этди.

• Ўзининг меҳнаткашлиги, тўп билан ажойиб даражада ишлаши, майдонни кўра олиши чапақай Фредни жамоанинг асосий футболчисига айлантирди. Паулу Фонсека жамоага келгунча, Фред ҳар хил позицияларда тўп тепди.

• Фред 5 мавсум давомида "Шахтёр" таркибида уч марта Украина чемпиони, икки марта мамлакат кубоги ва тўрт бора Украина суперкубогини қўлга киритди.

• Фред ЕЧЛнинг якунланган мавсумида аъло даражада ўйин кўрсатди ва "Шахтёр"нинг 1/8 финалгача етиб бориши ўзининг муносиб ҳиссасини қўшди. У бир неча марта турли топ-мураббийларнинг олқишига сазовор бўлди.

• Фреднинг "Рома"га урган голи ЕЧЛнинг якунланган мавсумида еттинчи ўринни эгаллади.

• "Шахтёр"даги ажойиб ўйинлари сабабли унинг хизматларига "Барселона", "Арсенал" ва ПСЖ томонидан қизиқишлар бўлди. Бироқ бразилиялик учун Манчестер шаҳрининг икки жамоаси кураш олиб боришди. Якунда у МЮга 60 млн евро эвазига трансфер бўлди.

Бразилия терма жамоаси

• У терма жамоада 2014 йилнинг ноябрь ойида Туркияга қарши учрашувда дебют қилган. Унда 85-дақиқада Луис Густавонинг ўрнига майдонга тушди.

• 2015 йилги Копа Америка вақтида унинг қонидан тақиқланган препарат гидрохлоротиазид моддаси топилган. Шу боисдан у бир йилни дисквалификация туфайли ўтказиб юборган.

• Шундан кейин деярли уч йил давомида терма таркибида ўйинларда қатнашмади. 2018 йилнинг мартида "Лужники"да Россияга қарши учрашувда узоқ муддатлик танаффусдан кейин Бразилия термаси сафида майдонга тушди.

• У миллий терманинг ЖЧ-2018га борадиган якуний таркибига тушди. Айни пайтда у мундиалга тайёрланмоқда.

БУНИ СИЗ БИЛМАСАНГИЗ КЕРАК...

• Фред "кончи" жамоалар учун туғилган. "Атлетико Минейро"ни ҳам бемалол кончи деб атай оламиз. "Mineiro" сўзини таржима қиладиган бўлсак, шахтёр деган маънони билдиради. Унинг бобоси узоқ йиллар давомида кончи бўлиб ишлаган.

• Фреднинг кумири - Роналдиньо. "Унинг финтлари, техникаси, зарбалари мени ўзига жалб қиларди. Роналдиньонинг ўйинларини нусхалаб олишни истардим. Унга ўхшашни истайман", - деганди Фред 2013 йилда.

• Фреднинг профессионал футболчи бўлишида аргентиналик ва уругвайликларнинг ўрни катта... "Фаолиятимни бошлаганимда Андрес Д'Алессандро (Аргентина термаси собиқ футболчиси) ва машҳур Диего Форлан билан ўйнаганман. Машғулотлар давомида уларнинг услубини ўзлаштиришга интилдим. Айнан улар туфайли Европа футболига тайёрланиб бордим", - деди у.

• У "Шахтёр" таркибида кўплаб бразилияликлар билан тўқнаш келди: Тайсон, Луис Адриано, Дуглас Коста, Илсиньо... Унинг энг яхши даврлари автоҳалокатда вафот этган Майкон Оливейра билан бўлганди.

У ШУНДАЙ ДЕДИ

"Аввалига Донецкда менга жуда қийин бўлди. Мен ўзим яхши маълумотларга эга бўлмаган мамлакатга келгандим. Асосий муаммо - тил, яна муомала эди. Бироқ жамоада бразилияликларнинг кўплиги менинг фойдамга ишлади. Албатта, совуқ эди! У ерга борганимда қиш эди. Бу биз учун жуда ҳам совуқ. Бошида мен учун бу қизиқ бўлди, аммо вақт ўтганидан кейин барчасига ўргандим".

"Бразилияда оз вақт бўлса-да, профессионал даражада ўйнагандим. Украинада эса катта тажриба орттирдим. Бу ердагилар, жамоадошлар, мураббийлар, ким билан бирга ишлаётган бўлсанг, барча бир-бирига ёрдам беради".

"Фонсека менга ярим ҳимоядаги функцияларимни чиқаришда эркинликка йўл берди. Луческу мен кўпроқ ҳужумда ўйнатишга интилди. Фонсека тизимида менга кўпроқ ҳужумда имкониятлар бор эди. "Шахтёр"нинг дирижёрига айланиб олгандим".

"Фонсека мени энг яхши бразилиялик деб аташидан жуда хурсандман. Жамоадагиларга ёрдам бериш учун жуда кўп меҳнат қиламан. Шу боисдан бундай гапларни эшитиш - жуда ёқимли. Фонсека - ақлли инсон. У менга жуда кўп бора ёрдам берди".

"Мен Бразилиянинг одатий футболчиларидан эмасман. Рақиб билан қандай ўйнаш кераклигини яхши уқиб олганман".

Миржалол Норматов таржимаси