Фозил Мусаев Япониядаги коронавирус ва карантин ҳақида нималар деди?

Ярим ҳимоячи айни вақтда Япониядаги вазият ҳақида фикр билдирди.

“Бу ердаги вазият ҳам жиддий. Чемпионат ўйинлар қачон бошланиши ҳақида аниқ маълумот беришмади. Менимча, учрашувларга июнь ойидан воҳли старт берилмаса керак. Агарда, вазият ижобий томонга ўзгарадиган бўлса ички чемпионат юқори ва қуйи лига баҳслари июндан бошланиши эҳтимоли мавжуд. Жамоамиз билан ҳар куни машғулотларни давом эттирмоқдамиз. Спорт формамизни ушлаб туришга ҳаракат қиляпмиз. Асосан жисмоний жиҳатдан тренажорда ва тўп билан машқларни бажаряпмиз. 

Ўтган йили J1 лигадан J2 лигага тушиб кетдик. Мақсадимиз элитага қайтиш ва кучли жамоалар билан аввалгидек курашни давом эттириш. Ўйлайманки, биз бу ишни уддасидан чиқа оламиз. Жамоада футболчиларнинг кучи ва салоҳияти етади. 

Ҳозирда асосийси коронавирусни олдини олиш. Айрим клублар ҳатто машғулот ўтамаяпти. Чунки, улар истиқомат қиладиган шаҳарда ҳолат бизникига қараганда озгина оғирроқ. Жамоадан кетиш ҳақида ўйламадим. Боиси шартномам бор эди. Юртимиздаги футбол ишқибозларига мустаҳкам соғлик ва саломатлик тилаб қоламан”, - дейди Мусаев.