UZ

Сўнгги янгиликлар

00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  3 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  0 21:29Португалия терма жамоаси Евро-2024да фойдаланадиган либослар намойиш этилди  2 21:16Бруну Фернандеш: "Қоидани ўзгартириш керак"  2 20:48АПЛ клубидан 4 очко олиб ташланди  8 19:52"Ливерпуль" Мусиалани сотиб олмоқчи  4 19:25Ачерби ирқчилик можароси туфайли Италия терма жамоаси ихтиёрини тарк этди  2 18:59"Ювентус" Аллегри ўрнига 3 нафар номзодни кўриб чиқмоқда  5 18:30"Бернарду Силванинг "Сити"да қолишини истаймиз" — Гвардиола  1 17:59Азиз Амонов: "Осиё Кубогида майдонга тушмадим? Биз майдонга тушсак ҳам, тушмасак ҳам бир жамоамиз. Асосийси – жамоа ғалабаси"  4 17:32Ўзимизнинг карикатура. Темирйўлларда "қонли қотиллик"  7 17:01"Челси" ҳимоячиси Хосе Гайя ўрнига Испания терма жамоасига жалб қилинди  0

ФОТОАРХИВ. Тўққиз йил олдинги Тожикистон билан кечган учрашувни ёдга оламиз Янгиликлар

ФОТОАРХИВ. Тўққиз йил олдинги Тожикистон билан кечган учрашувни ёдга оламиз

Ўзбекистон миллий терма жамоасининг сентябрь ойида ўртоқлик учрашувидаги рақиби Тожикистон билан бундан аввал ҳам бир неча бор тўқнаш келганмиз.

Қўшниларимиз билан сўнги тўқнашув ЖЧ-2014 саралаш босқичи иккинчи раундида бўлиб ўтганди. Ўшанда Вадим Абрамов шогирдлари Тожикистонни йирик 3:0 ҳисобида таслим қилганди. Буни қарангки орадан тўққиз йил ўтиб яна улар билан ўртоқлик учрашувида рўбарў келмоқдамиз. Яна Абрамов бошчилигида. Демак, қуйида фотосуратлар орқали Тошкентда ўтган учрашувни ёдга оламиз. Бу ўйиннинг эътиборга молик жиҳати шундаки, баҳснинг сўнги 10 дақиқасида кетма-кет тўрт футболчимиз ҳакам томонидан огоҳлантирилади. Буни эса ОФК ва ФИФА суъний равишда амалга оширилган ҳаракат деб баҳолайди. Атайин сариқ карточка ишлашдан мақсад эса кейинги ҳеч қандай аҳамиятсиз бўлган Япония билан учрашувда етакчиларга дам олиш имкониятини бериш шунинг натижасида уларни Эрон билан ўйинга тайёрлаш эди. Буни сезган ОФК ва ФИФА футболчиларимизни бир нечта учрашувга дисквалификация қилади. Абрамов Японияга иккинчи таркиб билан боради ва ортга 1:0 ҳисобидаги ғалаба билан қайтади. Аммо, бугун ёдга олаётган учрашувимиздан сўнг четлатилган бир нечта ўйинчилар Тошкентда Эрон билан ўйинда қатнаша олмаганди. Бу эса ўз-ўзидан натижага ўз таъсирини ўтказмай қолмади. Битта ўйинда йўл қўйилган хато оқибатда кейинги беллашувларда зараримизга ишлаганди. 

ЖЧ-2014  саралаш босқичи. 

Ўзбекистон - Тожикистон - 3:0

15.11.2011. 5-тур. Тошкент. "Пахтакор" стадиони. 5326 томошабин. 

Бош ҳакам: Муҳаммад Заруний (БАА). 

Голлар: Санжар Турсунов 35, Одил Аҳмедов 60, Александр Гейнрих 70.

Огоҳлантиришлар: Одил Аҳмедов 53, Александр Гейнрих 57, Шавкат Муллажонов 70, Санжар Турсунов 79, Ислом Тўхтахўжаев 82, Сервер Жепаров 84, Вагиз Галиулин 90+2, - Давронжон Эргашев, 45, Дилшод Восиев 64.

Ўзбекистон: Игнатий Нестеров, Шавкат Муллажонов, Азиз Ҳайдаров (Анзур Исмоилов, 80), Одил Аҳмедов, Баҳодир Насимов (Улуғбек Бақоев, 55), Тимур Кападзе (Сервер Жепаров, 72), Виталий Денисов, Ислом Тўхтахўжаев, Вагиз Галиулин, Санжар Турсунов, Александр Гейнрих.

Бош мураббий: Вадим Абрамов.

Тожикистон: Алишер Тўйчиев, Соҳиб Сивонқулов, Эрож Ражабов, Давронжон Эргашев, Нуриддин Давронов, Фарҳод Восиев, Актам Ҳамроқулов, Комил Саидов, Дилшод Восиев, Хуршид Маҳмудов, Жамшид Исмоилов (Акмал Сабуров, 46).

Бош мураббий: Олимжон Рафиков. 

Мазкур беллашув ноябрь ойида ўтказилган, ҳаво шу куни анча совуқ бўлганди. 


Тожикистон терма жамоасидаги айрим футболчилар ўзбекистонлик мухлисларга яхши таниш. Дарвозабон Алишер Тўйчиев "Янгиер", "Гулистон", "Машъал" жамоаларида тўп тепганини катта ёшдаги ишқибозлар яхши эсалашса керак. 6-рақамдаги Давронжон Эргашев эса жорий мавсум бошида "Бунёдкор" билан шартнома имзолади. 


Шу куни терма жамоамизни Одил Аҳмедов сардорлик боғичи остида бошлаб тушганди. Тўртинчи ҳакам Муҳаммад Абдулла Ҳассан эса кейинчалик терма жамоамиз иштирокидаги кўплаб учрашувларда ишлади. 


Вадим Абрамовга биринчи уринишда етарлича имконият берилмаганди. Иккинчи уриниш омадли чиқармикан?

Шавкат Муллажоновнинг терма жамоадаги юлдузли онлари Қатардаги Осиё кубогидан сўнг бошланганди. 


Санжар Турсунов тожикистонлик футболчига қаршилик кўрсатмоқда.


Одил Аҳмедов тўп билан. Миллий терма жамоамизнинг ўша пайтдаги либоси эса кўпчилик мухлисларга манзур келганди. 


Азиз Ҳайдаров майдонда доимгидек қора иш яъни рақиб ҳужумини бузишга ҳаракат қилмоқда. 


Санжар Турсунов Тўйчиев дарвозасига гол уриб ҳисобни очган вазият.


Бетакрор Саша Гейнрихга ўхшаган юлдузлар яна чиқишига умид қилиб қоламиз.

Ажойиб фотосуратлар учун Ҳасан Пирмуҳаммедовга миннатдорчилик билдирамиз. 

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика