Флик тер Штегеннинг келажаги ҳақида: "Барселона" сардори кейинги қадамни ўзи белгилайди"

Немис мутахассиси бу масалада ҳал қилувчи қарор футболчининг ўзига тегишли эканини таъкидлади.

"Бу — унинг танлови ва келгуси фаолиятига бўлган ўз қараши. Сўнгги ҳафталарда бу мавзуни, албатта, муҳокама қилдик, аммо эҳтимолий трансферлар масаласи спорт директори ваколатига киради. Бизнинг вазифамиз — энг яқин ўйинга тайёргарликка эътибор қаратиш. Шу билан бирга, Марк ҳозир ҳам "Барселона" футболчиси, жамоа сардори ва сўнгги ўн йил давомида клуб ҳаётида муҳим роль ўйнаган ўйинчи бўлиб қолмоқда. Биз унинг ҳар қандай қарорини ва ўзи учун тўғри деб ҳисоблаган режаларини ҳурмат қиламиз", – деди Флик.

Марк-Андре тер Штеген 2014 йилдан буён каталонияликлар шарафини ҳимоя қилиб келмоқда. Шу давр мобайнида у барча мусобақаларда 423 ўйин ўтказган ва 176 учрашувда дарвозасини дахлсиз сақлаб қолган. Унинг "Барселона" билан амалдаги битими 2028 йилнинг ёзигача мўлжалланган.

Transfermarkt портали маълумотларига кўра, 31 ёшли дарвозабоннинг ҳозирги трансфер қиймати 7 млн еврога баҳоланмоқда. Турли миш-мишларга қарамай, "кўк-анорранглилар" рамзларидан бирининг келажаги ҳали ҳам очиқ қолмоқда ва яқин трансфер ойнасининг асосий интригаларидан бирига айланиши мумкин.