UZ

Сўнгги янгиликлар

00:50Ямал жароҳати туфайли "Нюкасл"га қарши ўйнамайди  0 00:10ЕЧЛ. "Реал Мадрид" илк турда "Марсел"ни қабул қилмоқда (онлайн ҳисоб)  93 00:00ЕЧЛ. "Арсенал" илк турда "Атлетик"ка қарши ишончли ҳисобда ғалаба қозонди  26 23:24Элит ОЧЛ. "Трактор" меҳмонда "Шабаб Ал Аҳли" билан дуранг ўйнади. Хамробеков 78-дақиқада майдонга тушди  0 23:08ЕЧЛ. "Ювентус" - "Боруссия Д". Таркиблар маълум!  6 22:33"Милан" ва "Интер" "Сан-Сиро"ни сотиб олиш бўйича шаҳар маъмурияти билан келишиб олишди  0 22:03"Бу мағлубиятдан фожеа ясаш керак эмас, Осиё гранди билан қўрқмай ўйнагани учун ҳам раҳмат" — "Ал Аҳли" - "Насаф" учрашуви мутахассис нигоҳида   16 21:11Ўзбекистон футзал бўйича Японияга мағлуб бўлган ўйиндан ФОТОГАЛЕРЕЯ  2 20:58 "Навбаҳор" футбол мактаби "Аякс" футбол академияси бошқарувига берилади   11 20:43Фарҳод Нишонов: "Про лигага ВАР албатта керак"  0 20:2237 ёшли Мата Австралия чемпионатида жамоасини ўзгартирди  1 20:02Мирко Еличич: "Олимпик-MobiUz" – сифат ва тезлик бобида ажралиб турадиган, ҳужумкор ўйнайдиган жамоа"  0 19:44Аббосбек Ўлмасбеков: "Осиё Кубоги саралашида ҳар учала ўйинда ютишни ният қилганмиз"  1 19:13Ромеро: "Месси ЖЧ-2026га келиб яхши формада бўлади"  9 18:45Ўзбекистон футзал терма жамоаси ўртоқлик ўйинида Японияга имкониятни бой берди  14

Фирдавс Норсафаров: "Намангандаги пенальти бўйича фикрим ўзгармаган" Янгиликлар

Фирдавс Норсафаров: "Намангандаги пенальти бўйича фикрим ўзгармаган"

Coca-Cola Суперлигасида танаффус давом этади.

Барча жамоа ва футболчилар сингари ҳакамлар ҳам янги мавсумга тайёргарлик жараёнини бошлаб юборишди. Биз ҳам "Чиғатой" спорт-комлексида ўтказилаётган ўқув-машғулот йиғинида қатнашиб, ФИФА рефериси Фирдавс Норсафаровнинг фикрлари билан қизиқдик.




— Фирдавс, янги мавсумга тайёргарлик қандай кетяпти? Ҳакамлар жамоасида кайфият қанақа?

— Ҳаммаси аъло даражада. 6 февраль куни йиғилган эдик. Йиғин фитнес-тест билан бошланди. Кейин футбол қоидалари бўйича имтиҳон топширдик. Ҳозир ўртоқлик ўйинларида ишлаб, камчиликларимизни тузатишга ҳаракат қиляпмиз. 

— Футболчилар мавсумга тайёрланиш жараёнида узоқ муддатли йиғинларда қатнашишади. Ҳакамлар ҳам спорт формасини ушлаб туриш учун мунтазам шуғулланишадими ёки охирги 1 ой кифоя қиладими?

— Албатта, ҳар доим формамизни ушлаб туришимиз керак. Шунинг учун мустақил равишда шуғулланишни канда қилмаймиз.

— Фирдавс Норсафаров учун 2022 йилги мавсум қандай ўтди? Ўз ишингиздан қониқдингизми?

— Хатолар бўлди. 15та учрашувда ишлаган бўлсам, улардан 2тасида янглишиш ҳолати бўлди. Насиб қилса, кейинги мавсум янада яхши бўлиш учун ҳаркат қиламиз.

— Қаршилик бўлганингиз учун футбол жамоатчилиги орасида сизни "Насаф"га ён босишда айблайдиганлар топилади. Бундай ҳолат ўтган мавсумда ҳам рўй берди. Норсафаров Қаршига борадиган жамоаларни бир тур олдин "ўлдириб бераётгани" тўғрисида гапирганлар бўлди. Бу ҳақда эшитганмисиз? Шунақа миш-мишларга муносабатингиз қанақа?

— Рости, бу ҳақда биринчи марта сиздан эшитяпман. Ҳакамнинг фаолияти шунақа. Ҳар доим нимадир деб гапиришади. Шунинг учун бунақа гапларга эътибор бермай қўйганман.

— Ҳакамликдаги қийинчиликлар ҳақидаям гапиринг. Масалан, майдонда қанақа қарор чиқарсангиз ҳам, бир томон норози бўлиши...

— Тўғри, бу оғир йўналиш. Биласиз, футболда фақат битта жамоа ютиши мумкин. Мағлуб томон ҳар доим норози бўлади. Лекин ҳакамликни танлаётганимизда шу нарсаларни билардик. Шунинг учун нормал ҳолат сифатида қабул қиламиз.

— Ўтган мавсумнинг 6-турида (АГМК билан ўйин) "Пахтакор" футболчиси Шерзод Аъзамовга қизил карточка кўрсатган эдингиз. Ўша вазият эсингиздами?

— Албатта.

— Қарорингизни қандай изоҳлайсиз?

— "Пахтакор" футболчиси майдон марказида қоидани бузганидан кейин жарима зарбаси белгиладим. Ўша эпизодда Аъзамов келиб, менга нисбатан ҳақоратли сўзларни ишлатди. Мен бунақа ҳолатга кўз юмиб кетолмайман...

— Сизга нисбатан клублар томонидан босим ёки таҳдидлар бўладими?

— Ҳа, учраб туради. Масалан, сиз бошқарган ўйинда ютқазган жамоа кейинги ўйин олдидан шундай қилиши мумкин. Лекин бунақа нарсаларга эътибор бермасликка ҳаракат қиламан.

— 2021 йилги мавсумнинг биринчи даврасида "Пахтакор" Наманганда меҳмон бўлган. Ўша ўйинни сиз бошқаргансиз ва Сардор Рашидов йиқилган вазиятда белгилаган пенальтингиз маҳаллий мухлислар норозилигига сабаб бўлган эди. Орадан анча вақт ўтди. Эпизодни такрор-такрор кузатган бўлсангиз керак. Фикрингиз ҳали ҳам ўзгармадими?

— Йўқ, ҳеч нарса ўзгармаган. Ўша куни омма эътирозига сабаб бўлган жиҳат ВАР монитори олдида узоқ қолиб кетганим бўлганди. Аслида ўша пайт ВАР хонасида ўтирганлар билан алоқа узилиб қолгани, сигнал тикланишини кутганимизни ҳеч ким билмайди. 

— Ўша ўйиндан кейин майдон атрофида хунук воқеалар бўлган. Мухлислар норозилиги жиддий кўриниш олган эди. Мана, қисқа муддатдан кейин яна Намангандаги ўйинларга боряпсиз. Майдонда қарор чиқараётган пайтингизда шунақа воқеалар такрорланишидан қўрқув ҳисси бўлмайдими?

— Албатта, исталган шаҳарга борсангиз ҳам, олдинги ўйинларни эслаб таҳлил қиласиз. Лекин майдонга чиққанингиздан кейин вазиятга борича баҳо беришингиз талаб қилинади. Қўрқув ёки бошқача туйғу бўлмайди.

— Охирги савол: Ҳакамлар ўйинга тайёрланиш жараёнида футболчиларни алоҳида ўрганади. Сизнингча, Ўзбекистон чемпионатида энг кўп симуляция ишлатадиган футболчи ким?

— Ўйлашимча, Шоҳруз Норхонов бўлса керак. Ушбу ҳужумчини кўп кузатганман.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика