Финал олдидан финал(ча) — «Ман.Сити» «Челси»ни юта оладими?

Клубларнинг ҳозирги ҳолати: «Манчестер Сити» жамоаси 34-турдан сўнг 80 очко билан турнир жадвалида пешқадам бўлиб турибди. Жамоа ўтган турда «Кристал Пэлас» меҳмони бўлиб, 2:0 ҳисобида ғалабага эришди. Шунингдек, чоршанба оқшомида ЕЧЛ доирасида бўлиб ўтган ПСЖга қарши ярим финал жавоб ўйинида 2:0 ҳисобида ғалабага эришиб, финалга йўл олди. 

«Челси» эса 34-турдан кейин 61 очкога эга ва айни вақтда 4-ўринда жойлашган. Ўтган турда ўз майдонида «Фулхэм»га қарши ўйин ўтказиб, 2:0 ҳисобида ғалабага эришди. ЕЧЛнинг ярим финалида «Реал Мадрид»ни ўз майдонида 2:0 ҳисобида мағлуб этди ва финалга чиқди. 

Турнир жадвалидаги ҳолат ҳақида

АПЛнинг турнир жадвалига қараб математикани ишга солиш тўғри келади. «Ман Сити»дан кейинги ўринда Манчестернинг бошқа клуби — «Манчестер Юнайтед» жой олган. Икки жамоа ўртасида 13 очко фарқ бор. Лекин «Манчестер Юнайтед» бир ўйин кам ўтказган. Агарда... 

...агарда «Манчестер Сити» кейинги барча ўйинларни ютқазиб, МЮ эса барчасини ғалаба билан якунласа, «шаҳарликлар» АПЛ чемпионлигидан маҳрум бўлишади. 

«Челси» 4-поғонада жойлашган. Яқин таъқибчиси «Вест Хэм»дан 3 очкога олдинда бўлса, 3-ўриндаги «Лестер»дан 2 очко орқада. Аммо «Лестер» 35 та ўйин ўтказган. Агарда...

...агарда «Челси» ўйинларини ғалаба билан якунласа ва «Лестер» кейинги 3 турнинг бирида қоқилса, лондонликлар 3-ўринга кўтарилиб ҳам олиши мумкин. 

Ўзаро ўйинлар: Жамоалар ўзаро умумий 166 марта куч синашишган бўлса, шулардан 59 тасида «Манчестер Сити», 67 тасида «Челси» ғалаба қозонган. 40 ўйинда эса дуранг натижа қайд этилган. 

Жамоаларнинг жароҳатланган футболчилари:

Матео Ковачич («Челси»).

Жамоаларнинг айни вақтдаги яхши формадаги футболчилари:

Манчестерликлар таркибида Рахим Стерлинг АПЛ доирасида 28 ўйинда майдонга тушиб, 2267 дақиқани майдонда ўтказган. 9 бор рақиблар дарвозасини ишғол қилиб, 6 марта голли узатмани амалга оширган.

«Челси» жамоаси сафида айни вақтгача АПЛда энг кўп — 33 та ўйин ўтказган футболчи Мэйсон Маунт бўлиб турибди. Футболчи жами 2621 дақиқа майдонда тўп суриб, 6 гол ва 5 голли узатма муаллифи бўлган.

Муаллифнинг тахмини

Мазкур учрашувнинг зерикарли(роқ) бўлишини тахмин қиламан (икки жамоа мухлислари, шунингдек, чиройли ўйин кўрмоқчи бўлганлар мени кечиришсин). Натижа 2:1 — «Манчестер Сити» фойдасига ҳал бўлади (менимча). 

Эслатиб ўтамиз, «Манчестер Сити» — «Челси» жамоалари ЕЧЛ финалида ҳам ўзаро куч синашишади. Финал баҳси эса 29 май куни Истанбул шаҳрида бўлиб ўтади. Ўйин Тошкент вақти билан 00:00 да бошланади.

Манчестер Сити

Лига Чемпионов УЕФА. Плей-офф . final-тур 30/05/2021, 00:00 1 : 0 Тугади

Челси Кай Хаверц - 42'

Стадион: Estadio do Dragao, 14110 томошабин

Бош ҳакам: Антонио Матеу Лахоз

45'

90'

35'  Илкай Гюндоган

60'  Кевин Де Брёйне (Габриэль Жезус)

64'  Бернарду Силва (Фернандиньо)

77'  Рахим Стерлинг (Серхио Агуэро)

88'  Габриэль Жезус

39'  Тиаго Силва (Андреас Кристенсен)

42'  Кай Хаверц

42'  Мэйсон Маунт

57'  Антонио Рюдигер

66'  Тимо Вернер (Кристиан Пулишич)

80'  Мэйсон Маунт (Матео Ковачич)

Матч-центрда очиш

Оғабек Самисов