FIFA.UZ: Учинчи тур очколари ҳисобланди ёхуд иккита тўп соҳиби аниқ
31 мар 2014 13:39
Янгиликлар

FIFA.UZ: Учинчи тур очколари ҳисобланди ёхуд иккита тўп соҳиби аниқ

Олий лиганинг 3-тури учун FIFA.UZда очколар ҳисобланди.

Учинчи турда "NODIR10" жамоаси энг кўп очко тўплади. У 72 очко тўплади. "Andijon vfk" жамоаси эса 70 очко жамғарган.

Дастлабки уч турдаги энг кўп очкони эса "TOSHKENT SITY 1" жамоаси тўплади - 145 тадан очко. Иккинчи ўринни "NURAFSHON_1996" банд этди - 141.

Март ойида энг кўп очко тўплаган учта жамоага футбол тўплари тақдим этилиши ҳақида хабар бергандик.

"TOSHKENT SITY 1" ва "NURAFSHON_1996" тўп ютиб олишгани аниқ бўлиб улгурди.

Учинчи ўриндаги "ANDIJON BURGUT FC", "AC-MILAN-GuListan" ва "NODIR10" жамоалари март ойида 139 очко тўплашди. Шу боис айнан шу жамоалар сўнгги тўп учун 4-турда курашни давом эттиришади.

СИЗ ҳали ҳам жамоа тузмадингизми? Ҳозирга қадар 2222тадан ортиқ жамоалар тузиб бўлинди. Шошилинг, 4-турдан курашга қўшилинг.

Ўзингизни мураббий сифатида синаб кўринг. FIFA.UZ да иштирок этиб дўстлар орттириш ва совғалар ютиб олиш мумкин. Биринчи давра ғолиби Осиё чемпионати финал босқичига йўлланмани қўлга киритади!

Тўртинчи тур учун "дедлайн" 5 апрель куни соат 12:00да тугайди.

фото: Архивдан

Ҳавола :

Манба : championat.asia

Янгиликларни Телеграмда ўқинг!

Рейтинг: