UZ

Сўнгги янгиликлар

18:45"Реал" ижтимоий тармоқларда энг оммабоп клуб, "Барса" – 2-ўрин, МЮ – 3-ўрин, ПСЖ – 4-ўрин...  1 18:16Фарруҳ Сайфиев: "Мундиалга бориб, шунчаки қатнашиш йўқ"  7 18:00Про лига. “Олимпик” — “Арал” 0:1  0 17:49ЖЛА бош котиби футбол клублари раҳбарлари билан учрашади  0 17:30"Милан" Леау учун 90-100 миллион евро талаб қилмоқда  0 16:20"Бавария" Нико Уильямсни сотиб олишни хоҳлайди. "Атлетик" вингери – ҳужумдаги устувор вариант  1 15:56Эшакнинг меҳнати ҳалол, ўзи ҳаромми?  47 14:47Интервью. Миржалол Қосимов: "Жиддий айтганда Жаҳон чемпионатига чиқишга энди тайёр бўлдик, бу натижа ўз-ўзидан келмади"  22 14:16Осиё Кубоги-2027 саралаш. Тожикистонда дуранг, Туркманистонда ғалаба  2 14:15Месси Хамесга Аргентина ва Колумбия ўйини вақтида: "Сен жуда кўп гапиряпсан"  6 14:01Игорь Сергеев: "Йиғлаб юборишимга бир бахя қолди"  21 13:27Сане "Бавария"ни тарк этишга қарор қилди. Вингер "Галатасарой"га ўтишга яқин  0 13:15"Манчестер Сити" 70 млн. еврога ярим ҳимоячи сотиб олди  2 12:56"Пахтакор" ва ўзбек футболи афсоналаридан бири Аҳрол Иноятов 80 ёшда  1 12:43Коларов Кивунинг "Интер"даги штабига киради. У Сербия ёшлар терма жамоасини бошқараётган эди  1

ФИФА Франция U-17 терма жамоасини четлатадими? Терма жамоамиз ўсмирлар ўртасидаги ЖЧ ярим финалига тўғридан-тўғри чиқадими? Биргаликда таҳлил қиламиз Янгиликлар

ФИФА Франция U-17 терма жамоасини четлатадими? Терма жамоамиз ўсмирлар ўртасидаги ЖЧ ярим финалига тўғридан-тўғри чиқадими? Биргаликда таҳлил қиламиз

Бу масалада кўплаб жиҳатлар мавжуд.

Кеча Франция U-17 терма жамоасининг ўсмирлар ўртасидаги жаҳон чемпионатидан четлаштирилиши борасида маълумот пайдо бўлди. Бунга форвард Янис Иссуфнинг иштироки билан боғлиқ можаро сабаб, у турнирга саралаш босқичида Нигер терма жамоасида ўйнаган, сўнгра Франция таркибида ҳаракат қилишни бошлаган.



Французларга чорак финалда Ўзбекистон ўсмирлар терма жамоаси тушди. Можародан сўнг гўёки жамоамизнинг жаҳон чемпионати ярим финалига тўғридан-тўғри чиқиши ҳақида гаплар бошланди. Аммо, бу рўй бериши мумкинми?

Бирдан айтамиз: Ўзбекистон терма жамоасининг ўсмирлар ЖЧсида ўйинсиз чорак финалга чиқиши деярли имконсиз. Дунёдаги ҳеч бир ташкилот у ёки бу ўйинни ўтказмаслик тарафдори эмас. Агар ФИФА Францияни мусобақадан олса, унда 1/8 финалда французларнинг рақиби бўлмиш Сенегални қўйишга мажбур бўлади.

Агар сенегалликлар ҳақиқатдан ҳам расмий тарзда норозилик билдиришган бўлса (бу ҳақда ижтимоий тармоқларда ёзишмоқда), улар бу борада чорак финалда иштирок этиш учун асосий даъвогар ҳисобланишади. Шу билан бирга, Иссуф 1/8 финалда Сенегалга қарши ўйнамаган. Сенегалликларнинг ушбу юридик қопқондан қандай чиқишларини кўриш қизиқ бўлади.

Ҳалигача бу масала бўйича аниқ бир позиция Франция футбол федерациясида ҳам, ФИФАда ҳам йўқ. Улардан ҳеч бири ҳозиргача расмий изоҳ бермади. ФИФА регламенти ўйинчига битта мусобақа доирасида турли жамоаларда ўйнашни таъқиқлайди. Аммо, барибир ўсмирлар ўртасидаги жаҳон чемпионати ва жаҳон чемпионатининг ўзи турли турнирлар ҳисобланади: уларнинг номлари турлича, уларни турли ташкилотлар ўтказади (Африка футбол конфедерацияси, УЕФА ва ФИФА) ва регламентлар ҳам кўпинча бир-биридан фарқ қилади. Масалан, ОФК ва УЕФА шафелигидаги мусобақаларда очколар тенг бўлган ҳолда ўзаро ўйинларда яхшироқ статистикага эга бўлган жамоага устунлик берилади. ФИФА эса умумий тўплар нисбатини инобатга олишни афзал кўради. Воқеалар ривожининг мутлақ икки варианти.

Фуқароликни алмаштириш осон жараён эмас, унда ҳаракатларнинг тартиби бўйича аниқ босқичлар бор. Агар Франция Иссуфга барча талаблар билан фуқаролик берган бўлса, унда ҳеч қандай муаммо бўлиши керакмас. Шу билан бирга, унинг нега кеча Сенегалга қарши ўйнамагани тушунарсиз. Балки французлар Янис туфайли муаммолар бўлишини билишган ва шу сабаб уни таркибга киритишмагандир.



Ушбу барча саволларга ҳозирча жавоб йўқ. Аммо, Ўзбекистон терма жамоасининг ўсмирлар ўртасидаги жаҳон чемпионати ярим финалига тўғридан-тўғри ўтишини катта эҳтимол кўрмаймиз. Жамоамиз ёки ўз айбсизлигини исботлаган французларга қарши ёки Сенегал терма жамоасига қарши ўйнайди.

Рейтинг: +24   

Фикрлар

championat.asia
< сўнгги янгиликларни кўриш
Яндекс.Метрика