ФИФА “Бухоро”дан трансфер тақиқини олиб ташлади
11 фев 2022 12:57
Янгиликлар
ФИФА “Бухоро”дан трансфер тақиқини олиб ташлади
Аввалроқ ФИФА Низоларни ҳал этиш палатаси “Бухоро” футбол клуби ва клубнинг собиқ футболчиси туркманистонлик Раҳат Жапаров ўртасидаги низоли вазият юзасидан қарор чиқариб, клубга футболчи олдидаги белгиланган қарздорликни тўлаш вазифасини юклаган эди.
Лекин мазкур қарор ижроси таъминланмагани боис ФИФА январь ойида “Бухоро” футбол клуби учун трансфер тақиқини кучга киритганди.
Кеча “Бухоро” ушбу футболчи олдидаги қарздорликни тўлиқ бартараф этди ва ишни ёпиш юзасидан ФИФАга мурожаат юборилди. ФИФА бугундан эътиборан мазкур ишни ёпди ва “Бухоро”дан трансфер тақиқини олиб ташлади.
Айни пайтда “Бухоро” шунингдек, ўтган мавсум клубда фаолият олиб борган тожикистонлик футболчи ва мураббийлари билан боғлиқ низоли вазиятни бартараф этиш устида иш олиб бормоқда.
Маълумот учун, ҳозирда трансфер тақиқи мавжуд клубларимиз 2 тани ташкил этмоқда – “Андижон” ва “Насаф”.
Ўхшаш янгиликлар
20:35
"Навбаҳор"га ФИФА тақиқи қўйилган. Клуб айни дамда янги футболчиларни рўйхатдан ўтказа олмайди 11
11:09
Ўзбекистон ва Озарбайжон U-20 Жаҳон чемпионатини биргаликда ўтказиш бўйича ФИФАга ариза топширди 8
championat.asia
"Челси" - жаҳон чемпиони!
Эшитдик-да! Жаҳон чемпиони бўлган мураббий Ўзбекистон МТЖни бошқариши мумкин
Месси 6 ўйинда 11 та гол уриб, МЛСнинг 7 йиллик рекордини ўрнатди
КЖЧдан сўнг "Олтин тўп" учун ким асосий даъвогар?
Фикрлар