Улар орасида легионер сифатида тўп тепаётган футболчиларимизнинг жамоалари ҳам борлигини айтиш жоиз. Эътибор беришингиз керак бўлган учрашувлар билан таништириб ўтамиз.
Россия Премьер Лигаси. 19-тур
ЦСКА - "Оренбург"
"Армиячилар" таркибида Аббосбек Файзуллаев катта эҳтимол билан илк дақиқалардан майдонга тушиши кутилмоқда. ЦСКА айни пайтда 28 очко жамғарган ҳолда турнир жадвалида 8-ўринда кетмоқда.
Россия Премьер Лигаси. 19-тур
"Краснодар" - "Рубин"
Рустам Ашурматов ва Умарали Раҳмоналиев тўп тепаётган "Рубин" "Краснодар" меҳони бўлади. "Рубин" ЦСКАдан бир поғона юқорида 7-ўринни эгаллаб турибди.
БАА Про лигаси. 16-тур
"Ал Ваҳда" - "Ал Жазира"
Хожимат Эркинов тўп тепаётган "Ал Ваҳда" ўз майдонида жадвалдаги қўшниси "Ал Жазира"ни қабул қилади. "Ал Ваҳда" БАА Про лигаси турнир жадвалида бешинчи поғонадан жой олган.
Қозоғистон Премьер Лигаси. 1-тур
"Ордабаси" - "Шахтёр"
Бугундан қўшни мамлакат Қозоғистон чемпионатида янги мавсумга старт берилади. Жасур Яхшибоев ва Шаҳбоз Умаров тўп тепаётган "Ордабаси" 1-турни ўз майдонида "Шахтёр"га қарши ўтказади.
Қозоғистон Премьер Лигаси. 1-тур
"Қайрат" - "Қизилжар"
Бундан ташқари Иброҳимҳалил Йўлдошев "Қайрат" сафида дебют қилиши мумкин.
