UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Фаррух Зокиров: "Давралар оралиғида асосий дарвозабонимиз жамоани тарк этди" Янгиликлар

Фаррух Зокиров: "Давралар оралиғида асосий дарвозабонимиз жамоани тарк этди"

Футзал бўйича Ўзбекистон чемпионати 16-туридан ўрин олган “Нефтчи”-“Навбаҳор” (5:4) жамоалари ўртасидаги учрашувидан сўнг мезбонлар бош мураббийи Фаррух Зокиров “championat.asia” сайтига интервью берди.

“Нефтчи” ва “Навбаҳор” жамоалари ўртасидаги учрашув “дерби” мақомига эга эди. Бу жамоалар ўртасидаги учрашувлар қайси жамоа турнир жадвалида нечанчи ўринда бўлишидан қатъий назар шиддатли тарзда кечади. Ҳоҳ катта футбол, ҳоҳ футзал бўлсин “Нефтчи” ва “Навбаҳор” жамоалари ўртасида жиддий рақобат юзага келади. Бугунги учрашув ҳам айнан шундай учрашувлардан бири бўлди деб ўйлайман. Биринчи бўлимдан сўнг биз 1:3 ҳисобида мағлубиятга учраётган эдик. Иккинчи бўлимда учрашувда бурилиш ясаб, якунда 5:4 ҳисобида ғалаба қозондик.

Биринчи даврада сафарда “Навбаҳор” жамоаси билан учрашув ўтказганимизда, биринчи бўлимда 4:1 ҳисобида ютқазаётган эдик, иккинчи бўлимда шижоатни ошириб якунда 4:4 ҳисобида дуранг қайд этган эдик. Танаффусда шогирдларимга худди шу ўйинни эслатдим, 1:3 ҳисоби бу мағлубият дегани эмас, биз бугун ғалаба қозонишимиз керак деб айтиб ўтдим. Жамоамизнинг барча футзалчиларига бугунги учрашувда кўрсатган мардонавор ўйинлари учун раҳмат айтаман.

Иккинчи даврада жамоамизда юзага келган учрашувлар ҳақида айтиб ўтадиган бўлсам, авваломбор энг асосий футзалчилармиздан бири, дарвозабон Тўйчибой Бердиев маълум сабабларга кўра жамоамизни тарк этди. Ҳозирги дарвозабонимиз Элёрбек Домлаев ҳам яхши ўйин намойиш этмоқда, у асосий дарвозабонимиз жамоани тарк этганлигини билинтирмасликка ҳаракат қилмоқда. Шунингдек давралар оралиғида таркибимизга ёш футзалчиларни ҳам саралаб олдик, уларни аста-секин катта учрашувларга мослаштириб бораяпмиз. Умуман айтганда биринчи даврада фаол иштирок этган асосий таркиб футзалчиларини сақлаб қолишга ҳаракат қилдик.

Бизни асосий мақсадимиз – мавсум якунида совриндорлар қаторидан жой олиш. “Нефтчи” футзал жамоаси олдидаги асосий вазифа ҳам шундан иборат. Бизда ҳозир тиғиз тақвим юзага келмоқда. Хабаринглар бор, жамоамизнинг “Металлург” футзалчилари билан қолдирилган учрашуви ҳам бор, эртага “Навбаҳор” билан иккинчи учрашувни ўтказамиз. “Металлург” жамоаси билан қолдирилган учрашувдан сўнг “Сўғдиёна” ва АГМК жамоалари билан ҳам қийин учрашувлар бизни кутиб турибди. Яна бир бор бугунги учрашув учун жамоамиз аъзоларига миннатдорчилик билдираман.              


Бекзод Толибов ёзиб олди.


Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика