Фаррух Икромовнинг жароҳати жиддийми? Шуҳрат Мақсудов жавоб берди

Айни пайтда ушбу вазият кўпчилик ишқибозларни ўйлантираётгани шубҳасиз. "Бунёдкор" бош мураббийи Шуҳрат Мақсудов "Нефтчи" мухлислари билан онлайн мулоқот чоғида Икромовнинг ҳолати ҳақида гапирди. 

"Минг афсуски, Фаррух Швеция билан учрашувда жароҳат олди. Кеча уни қайтадан МРТ текширувидан ўтказдик. Мутахассислар билан суҳбатлашдик. Жароҳат уч томонлама бўлган. Ён ва ички боғлам кетган. Жарроҳлик амалиётини ўтказиши керак экан. Ҳозирда қайси мамлакатга юборишни ўйлаб турибмиз. Тез кунларда шуни ҳал қиламиз. Афсус, энди формага кириб, ҳар бир ўйинда гол уриб мухлисларни хурсанд қилаётган пайтда жароҳат олди. Бу футболчимиз бизга етишмайди.  Футболчининг умри шундай. Фаррух Икромовни  тезроқ сафга қайтишини дуо қилиб турамиз", - дейди Шуҳрат Мақсудов.