UZ

Сўнгги янгиликлар

18:20Суперлига. "Динамо" – "Металлург" (матнли трансляция)  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  11 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  12 16:20"Евро-2024"да ҳеч ким Англия билан тенглаша олмайди"  8 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8

Фарғонанинг "Нефтчи" клуби ҳақида: Кеча ва бугун... Янгиликлар

Фарғонанинг "Нефтчи" клуби ҳақида: Кеча ва бугун...

Жорий мавсумдан А ПРО-Лига мусобақаларида иштирок этиб келаётган Фарғонанинг "Нефтчи" жамоаси эришган ютуқ ва натижалар ҳақида кўпчиликнинг хабари бор.

Мамлакатимизнинг 5 карра чемпиони ҳисобланган "Нефтчи"нинг айни вақтга келиб кўрсатаётган натижалари билан ўз мухлисларини ранжитиб қўяётгани бор гап.
Авваллари “Нефтчи”нинг уй ўйинларига мухлислар ташрифи ўйинга 3-4 соат қолгандаёқ бошланар, футбол учрашуви бўлиб ўтган куни Фарғона кўчаларида ҳақиқий футбол муҳити юзага келарди. Чемпионат доирасида бўлиб ўтадиган марказий учрашувларда камида бир кун аввал чипта харид қилинмаса, ўйинни стадиондан томоша қилишнинг ўзи қийин саналарди, ёши катта мухлислар чинорлар устига чиқиб, учрашувларни кузатишганликлари ҳақида кўп эслашади.Фарғонага чемпионат доирасида аутсайдер жамоалар ташриф буюрганда ёки кубок учрашувларида қуйи лига жамоалари келганда ҳам стадионда камида 8-10 минг атрофида мухлисларни кўриш мумкин бўларди. Ҳозир эса кўп нарсалар ўзгариб кетган. А ПРО-Лигада "Нефтчи"нинг уй ўйинларига ташриф буюраётган ишқибозлар сони кескин камайиб кетаётганлиги ачинарли хол албатта.



Жамоа тарихи


Жамоа 1962 йилда дастлаб "Нефтяник” номи билан ташкил этилган. Собиқ Иттифоқ чемпионатларида бир қатор ижобий натижаларни қайд этган "Нефтчи" 1992 йилдан Олий лигада қатнашишни бошлади ва кетма-кет 4 бор Ўзбекистон чемпионига айланди. Кейинги мавсумларда “Навбаҳор”, МҲСК, “Пахтакор” ва икки бор “Дўстлик” олтин медалга эга чиққан. Бу йилларда фарғоналиклар кумуш медални қўлга киритишган. 2001 йилда Юрий Саркисян ва “Нефтчи” биргаликда 5-олтин медалларни тантана қилишган.




Жамоа матбуот хизмати ҳақида


Фарғонанинг "Нефтчи" футбол клуби матбуот хизмати вакиллари фаолияти кўп маротаба турли ОАВ вакиллари томонидан баҳоланганлигини ва улар бу борада кўпчиликка ўрнак бўла олганликлари ҳақида барчамиз яхши биламиз. Лекин бугунги кунга келиб "Нефтчи" матбуот хизматининг фаоллиги йўқолиб қолгандек назаримизда. Айни вақтда жамоа матбуот хизматига клуб мутасаддилари томонидан қандай шароитлар яратиб берилаётганлиги ҳақида маълумотга эга эмасмиз, лекин биз билган, ўша ўз касбининг усталари бўлган "Нефтчи" матбуот хизматини худди илгаригидек фаолликка чорлаймиз.



Бугунги "Нефтчи" ҳақида

2019-йилги мавсумдан бошлаб жамоа ўз тарихида илк бор ПРО-Лига мусобақаларида иштирок этмоқда. Айни дамга келиб фарғоналиклар А ПРО-Лигада 12-тур якунларига кўра, 5 ғалаба ва 7 мағлубият қайд этган холда турнир жадвалида 15 очко билан 6-поғонани эгаллаб турибди. Жорий мавсум бошида "Нефтчи" жамоаси таркибида рўйҳатдан ўтказилган Игорь Таран, Руслан Мелзиддинов каби тажрибали футболчилар ҳозирги кунга келиб клуб билан хайрлашишган. Сўнги учрашувларда "Нефтчи" таркибида асосан ёш маҳаллий футболчилар иштирок этаётганлигига гувоҳ бўлмоқдамиз.



Жамоанинг айни вақтдаги бош мураббийи Абдусамад Дўрмонов "Нефтчи" таркибида Фарғонада кўплаб муваффақиятларга эришган.

Бугунги кунда турли ОАВларда "Нефтчи" футбол клуби молиявий қийинчиликлар гирдобида қолганлиги ҳақида гап-сўзлар урчиб юрибди. Лекин бу маълумотлар қай даражада ҳақиқатга яқин эканлиги ҳақида клуб матбуот хизмати томонидан расмий маълумот берилгани йўқ.Ўйлаймизки, футболимиз мутасаддилари тез орада шонли тарихга эга, мамлакатимизнинг 5 карра чемпиони Фарғонанинг "Нефтчи" клубига ўз эътиборларини қаратишади. Биз эса мухлислар соғинган аввалги "Нефтчи"нинг қайтишига умид қилишда давом этамиз.

Бекзод Толибов тайёрлади.

Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика