UZ

Сўнгги янгиликлар

11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  7 10:57Пеп Гвардиола «Манчестер Сити»даги келажаги борасида бир қарорга келди  2 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  6 09:3410 ойга четлатилган Тонали яна узоқ муддатга дисквалификация қилиниши мумкин  1 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  10 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  16

"Факел" синовида синалган "Андижон", "овга" чиққан "аждарлар" ва "красавчик" йигит Янгиликлар

"Факел" синовида синалган "Андижон", "овга" чиққан "аждарлар" ва "красавчик" йигит

Жамоаларимизнинг Туркиядаги йиғини режа асосида давом этмоқда.

Championat.asia сайти ҳам эндиликда яхлит жамоа сифатида Анталияда ишга киришди. Имкон қадар барча жамоаларни қамраб олиш режалаштирилган. Иш шу асосда давом этмоқда. 


Кечаги куннинг дастлабки манзили "Андижон" жамоасининг ўртоқлик учрашуви бўлди. Баҳс "Титаник" кичик арена мезбонлик қилди. Маълумот учун, майдон ижара тўлови 800 еврони ташкил этади. Россия Премьер-Лигаси вакили Варонежнинг "Факел" жамоаси "бургутлар"нинг Туркия йиғини доирасидаги иккинчи рақиб ҳисобланади. Биринчи баҳс Руминиянинг "Чиксереда" клубига қарши кечган ва унда 0:0 ҳисоби қайд этилган эди. Маълумот учун, "Факел" айни пайтда Россия чемпионатида 13-ўринда кетмоқда. Жамоани россиялик 47 ёшли мутахассис Дмитрий Анатольевич Пятибратов бошқариб келмоқда. У бош мураббий сифатида 2022 йилнинг 18 сентябридан иш бошлаган. Ўйинга келсак, "Андижон" гарчи кучли рақиб бўлишига қарамай очиқ футбол таклиф қилди ва ўйинни назорат қилишга, биринчи рақам остида ўйнашга ҳаракат қилди. Шаҳбоз Эркиновнинг биринчи бўлим ўрталарида пенальтидан урган голига, варонежликлар 2та пенальтидан урилган гол эвазига жавоб қайтарди ва танаффусга 2:1 ҳисобида чиқиб кетди. Иккинчи бўлимда Александр Хомяков қолган футболчиларга ҳам имконият берди. Барибир тажриба ўз сўзини айтди ва "Факел" яна 2та гол уриб ўйинни 4:1 ҳисобида якунлади. Бу орада ўйин давомида қулоғимизга жамоага аргентиналик ҳужумчи келиши ҳақида гаплар қулоғимизга чалинди. Бунга эса Александр Хомяков муносабат билдирди.




Яна бир маълумот "Факел" клуби таҳлилчилари ўйинни нафақат камерада, балки дронлар ёрдамида ҳам тасвирга туширди. Бу мураббийларга ўйинни тўлиқ таҳлил қилиш имконини беради. 



Шу куни учрашувни томоша қилиш учун "Насаф" бош мураббийи Рўзиқул Бердиев ва Шуҳрат Тошпўлатов ташриф буюрди. Айни пайтда Суперлиганинг 13та клуби шу ерда ва нисбатан бир-бирларини ўрганиш осонроқ, қолаверса стадионлар ораси узоқ эмас.  Шу боис мазкур жараённи табиий қабул қилиш мумкин. Қаршиликлар устози "Андижон"нинг Руминия клубига қарши ўйинини ҳам стадиондан кузатганди. Яна бир маълумот, Рўзиқул Бердиев куннинг иккинчи яримида "Пахтакор" - "Самгурали" учрашувини кузатди. 



Куннинг иккинчи манзили "Нефтчи" машғулоти бўлди. Виталий Левченко деярли таркибни аниқлаб олди, дея оламиз. Асосий муаммо Лутфулла Тўраевнинг позициясини тўлдирадиган ўйинчи олиш эди. Фикримизча бу муаммонинг ҳам ечими топилгандек. Трансферлар ойнаси ёпилишига 11 кун вақт қолди ва фикримча буёғига турли футболчиларни кўрикдан ўтказиш жараёнига нуқта қўйилса керак. Кўрикда бўлиб турган Дану Спатару ва Евгений Башкировга жавоб берилган. Кечаги машғулотлар кўтаринки руҳда ўтди, айниқса "Нефтчи" дарвозабонинг Нойерга ҳос сейви машғулотнинг кулминацион нуқтасига айланди. Мазкур сейвни Акбар Тўраев табири билан айтганда "красавчик" йигит тасвирга муҳрлади. Таъкидлаш жоиз, "Нефтчи" навбатдаги назорат учрашувини эртага Арманистоннинг "Алашкерт" клубига қарши ўтказади. 

Муаллиф : Iskandarov Abdulaziz
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика