Европа чемпионлар лигаси. Ярим финалга эртага қуръа ташланади
20 апр 2017 19:15
Янгиликлар

Европа чемпионлар лигаси. Ярим финалга эртага қуръа ташланади

ЕЧЛ чорак финал баҳслари якунига етди ва ярим финалчилар номи маълум бўлди.

Ушбу босқич жуфтликларини аниқлаш учун қуръа ташлаш маросими 21 апрель куни Тошкент вақти билан соат 15:00да бошланади.

Қуръа жараёнида ҳеч қандай чекловлар бўлмайди, яъни исталган клубга исталган клуб рақиблик қилиши мумкин. Бундан ташқари эртага финалда қайси жуфтлик ғолиби расмий мезбон бўлиши ҳам аниқлаб олинади.

Ярим финалга чиққан тўрт клуб:
"Монако" (Франция)
"Реал Мадрид" (Испания)
"Атлетико" (Испания)
"Ювентус" (Италия)

Ярим финалнинг дастлабки баҳслари 2-3 май, жавоб учрашувлари 9-10 май кунлари бўлиб ўтади.