ЕВРО-2016. Плей-офф. Норвегия - Венгрия учрашуви превьюси

Норвегия - Венгрия

13 ноябрь 2015. Осло. "Уллеволь" стадиони. 00:45.

Тахминий таркиблар:
Норвегия: Нюланн; Элабделлауи, Форрен, Ховланн, Хегли; Шельбред, Йохансен, Тетти, Бергет; Хенриксен; Седерлунн.
Сўроқ остида: Хегли (бел)

Венгрия: Кирай; Леандро, Кадар, Гузмич, Фиоло; Элек, Нодь; Джуджак, Геро, Немет; Николич.
Ўйнамайди: Юхас (дисквалификация)

- Норвегия 30 йилдан буён Венгрияга ютқазмаяпти
- Норвегия саралашдаги охирги 4та ўйиннинг 3тасида ғалаба қозонди ва 1 марта дуранг ўйнади
- Венгриялик дарвозабон Габор Кирай агар майдонга тушса терма жамоада 100та ўйин ўтказган иккинчи футболчига айланади
- Жавоб ўйини якшанба куни (15 ноябрь) Будапештда бўлиб ўтади

Норвегия терма жамоаси бош мураббийи Пер-Матиас Хегмо:
Норвегия терма жамоаси охирги 20 йилда ноябрь ойидаги барча 6та уй ўйинида ютқазгани мени ташвишга солаётгани йўқ. Таркибимизда еврокубокларда ўйнаётган футболчилар бор, уларнинг жисмоний формалари венгрларга қарши баҳсда бизга қўл келади. Бу бутунлай янги Норвегия. Ҳамон жамоани "қураяпмиз". Футболчилар ўзларига ишонишмоқда.

Венгрия терма жамоаси бош мураббийи Бернд Шторк:
Яхши старт муҳим, ғалаба қозонсак ажойиб бўларди. Норвегияда кучли жамоа бор, футболчилари Чемпионлар лигаси ва Европа лигасида ўйнашмоқда. Анча олдин йиғилиб жамоавий руҳ борасида иш олиб бордик. Таркибимизда етакчи футболчилар йиғилган, улар ажойиб футбол намойиш этишга тайёрлар.

Саралашдаги натижалар
Норвегия: "H" гуруҳида учинчи ўрин
6та ғалаба, 1та дуранг, 3та мағлубият, тўплар нисбати: 13-10

Венгрия: "F" гуруҳида учинчи ўрин
4та ғалаба, 4та дуранг, 2та мағлубият, тўплар нисбати: 11-9

ЕВРО плей-офф босқичидаги натижаси:
Норвегия: 1та мағлубият
Венгрия: ўйнамаган

Биласизми?
Агар Туркия сўнгги дақиқаларда Исландияга гол урмаганида ёки Қозоғистоннинг Латвия устидан кутилмаган ғалабаси бўлмаганида Венгрия терма жамоаси тўғридан-тўғри ЕВРО-2016га йўлланма оларди.