Darvozabon Farg'ona klubidagi qisqa faoliyati va jamoadan nima uchun ketgani haqida to'xtalib o'tdi.
- Evgeniy "Neftchi"dagi qisqa faoliyatingiz qanday kechdi?
- Mavsum haqida to'liq fikr bildira olmayman. Chunki jamoaga ikkinchi davrada kelib qo'shildim. Oddiy bo'lmagan, qiziqarli lahzalarni o'tkazdik. Muhimi oldimizga qo'yilgan vazifani bajarganimizdan xursandman.
- Bu jamoaga o'tish tavakkal qabul qilingan qarormidi? Chunki qiyin vaziyatdagi jamoaga kelishga har kim ham botina olmaydi...
- Asosiysi jamoaning vazifasi mavjudligi. Men uchun bu muhim hisoblanadi. Qandaydir xavf haqida o'ylamaganman. "Neftchi"ning Superligada qolishiga ko'maklashmoqchi edim, xolos.
- Mavsum yakunlangach farg'onaliklar bilan xayrlashdingiz. Kelishuv shunday edimi yoki sizning xohishingiz bilan bo'ldimi?
- Shartnoma tugadi.
- Klub yangi shartnoma taklif qildimi?
- Yo'q. Men so'ramadim.
- Murabbiylar shtabi, muxlislar qanday taassurot qoldirdi?
- Ishqibozlarga qo'llab- quvvatlashgani uchun rahmat aytaman. Ularni har doim ham ijobiy natija bilan xursand qilishning imkoni bo'lmadi. Shunga qaramay doim biz bilan birga bo'lishdi. Murabbiylarning har biridan nimadir o'rgandim.
